Аймаг, нийслэлд үйл ажиллагаа явуулж буй Мэргэжлийн сургалт, үйлдвэрлэлийн төв,

Политехникийн коллеж, Хөдөлмөрийн хэлтсүүдийн дарга, удирдах ажилтнууд хамрагдсан тус чуулга уулзалтыг нээж Хөдөлмөрийн сайд Г.Баярсайхан үгэндээ "Хөдөлмөрийн зах зээлд хамгийн эрэлттэй байгаа мэргэжлийн ажиллах хүчнийг манай яамны харьяа мэргэжлийн сургалт үйлдвэрлэлийн төвүүд бэлтгэж байна. Цаашид салбарын үйл ажиллагааг шинэ шатанд хөгжүүлэх, гадаад, дотоод харилцаагаа өргөжүүлэх, тулгамдаж буй асуудлуудаа даруй шийдвэрлэж байх шаардлага тулгарч байгаа. Энэ удаагийн чуулганаар өнгөрсөн жилийн ололт амжилтаа дүгнэж ярилцахаас гадна шинэ ондоо хийж хэрэгжүүлэх ажлыг төлөвлөгөөгөө ярилцах, удирдах ажилтнуудтайгаа гэрээ байгуулах зэрэг ажлыг хэлэлцэнэ" гэдгийг онцоллоо.

Чуулга уулзалтын үеэр Ражив Гандийн нэрэмжит Үйлдвэрлэл, урлалын политехникийн коллеж, Монгол-Солонгосын политехник коллеж, Барилгын политехник коллеж хамтран үзэсгэлэн гаргасан байна. Ражив Гандийн нэрэмжит Үйлдвэрлэл, урлалын политехник коллежийн хувьд 50 жилийн ойгоо угтан багш, оюутнуудынхаа шилдэг бүтээлийн дээжээр өргөтгөсөн үзэсгэлэн гаргасан нь олны анхаарлыг нилээд татлаа. Тус сургууль Бүгд Найрамдах Энэтхэг Улстай хамтын ажиллагаатай байж, орчин үеийн дэвшилтэд техник, технологи дээр дадлагажсан мэргэжлийн чадварлаг боловсон хүчин бэлтгэж байгаа гэдэг нь үзэсгэлэнд тавигдсан бүтээлүүдээс нь харж болохоор байлаа.

Бүрэн эхээр нь бичлэгээс ...