Эрдоган 2014 оны 8 дугаар сард Туркийн Ерөнхийлөгч болсноосоо хойш бараг 2000 хүнийг өөрийг нь доромжилсон гэсэн үндэслэлээр шүүхэд өгчээ. Туркийн Хууль зүйн сайд Бекир Боздагийн мэдээлснээр энэ оны гуравдугаар сарын байдлаар нийт 1845 хүн ийм хэргээр буруутгагдсан байна.

Боздагийн үзэж буйгаар Ерөнхийлөгчийг доромжлох нь “ичгүүртэй” хэрэг бөгөөд энэ нь үг хэлэх эрх чөлөөтэй ямар ч холбоогүй зүйл аж. Түүнчлэн ерөнхийлөгчийн талаарх доромжлолыг уншихад ч “нүүр улаймаар” гэж хэлжээ.

Эрдоганыг доромжилсон хэргээр шүүгдэж байгаа хүмүүс нь голдуу сэтгүүлчид, блогчид, энгийн иргэд, тэр байтугай сургуулийн сурагчид хүртэл байдаг. Тэд Эрдоганыг ямар ч шүүмжлэл хүлээж авах чадваргүй болсон гэж үзэж байна.

Сэтгүүлчид бууж өгөх бодолгүй байгаа бөгөөд Засгийн газрын гэмт үйлдлүүдийг илчлэхээ амлаж байна. Туркийн тусгай албаныхан Сирид зэвсэг нийлүүлдэг тухай нийтлэл бичсэнийхээ төлөө хоригдож байгаад саяхан суллагдсан сэтгүүлч Эрдем Гюль, Джан Дюндар нар Туркийн Засгийн газрын булхайг дэлгэнэ гэдгээ мэдэгдэв.

Голландын De Telegraaf сонины нүүрэн дээрх Эрдоганы хошин зураг

Эрдоган 1845 хүнийг өөрийг нь доромжилсон хэргээр шүүхэд өгчээ