2016 оны 05 дугаар сарын 12-ны өдөр Монголын авто замчдын холбоо нь "Надира" ХХК-тай чанар болон эдийн засгийн үнэлгээний шаардлага хангасан битумыг холбооны гишүүдэд хямдруулсан өртгөөр нийлүүлэх талаар хамтран ажиллахаар санамж бичигт гарын үсэг зурлаа.

Санамж бичигт :

Нийлүүлсэн бүтээгдэхүүний чанарыг баталгаажуулж үйлдвэрийн болон гуравдагч лабораторийн шинжилгээний мэдээлэлийг Холбоонд мэдүүлэх.

Зах зээлийн үнээс хямдралтай үнээр холбооны гишүүдэд битум бүтээгдэхүүн санал болгох.

Үнийн хэлбэлзлээс хамгаалсан гэрээг холбооны гишүүдэд санал болгох.

Битумын чанар, сортын тухай сургалт семинарыг Роснефт Битум компанитай хамтран холбооны гишүүдэд зориулан зохион байгуулах. Үүнд: битумын чанараас хамаарч замын чанар муудах тухай, сайжруулсан битумын тухай, Монголын нөхцөлд РоснефтБитум компанийн бүтээгдэхүүн хэрхэн зохилдох тухай болон хэрхэн лаборатори шинжилгээг ашиглан битумын чанарыг тогтоох тухай сэдвүүдийг хамрах болно.

"Надира" ХХК нь төрөл бүрийн сортын битумын бүтээгдэхүүн ОХУ-н Роснефт Битум компаниас худалдан авч Монголын зах зээл дээр зам барилгын болон асфальт зуурмагийн үйлдвэрүүдэд нийлүүлдэг. Роснефт Битум компани нь ОХУ-н нефтийн бүтээгдэхүүний тэргүүний үйлдвэр Роснефт компаний салбар компани бөгөөд тухайн зах зээлийн 35%-г эзэлдэг. Одоогийн байдлаар 8 нефтийн бүтээгдэхүүн боловсруулах үйлдвэрт 2 сая тонн битум үйлдвэрлэж байна.

Хамтран ажиллах санамж бичигт гарын үсэг зурлаа.