Сонгуулийн жилд их ч зүйл өрнөлөө. Бидний мэдэх сайн гэгдэх судалгааны байгууллагууд, сайтууд ямар улстөрчийн рейтинг өндөр байгааг зарлаж байв.

Монголд улстөрийн, сонгогчдын зан төлөвийг судлах судалгааны арга зүй одоог хүртэл сайн хөгжиж мэргэшээгүй л байна. Харин маркетинг хэрэглэгчийн судалгааг чамгүй чанартай хийж байгаа судалгааны төв цөөнгүй.

Харагдах байдал их чухал

Хааныг харц боол нь хүндэлж хаантан гэж авгайлахаас тэр хаан өөрийгөө арай өөр түвшинийх гэдгээ мэдэрдэгтэй адил Монголын улс төрд буй хүмүүс бусдаар өөрийгөө пиардах үндсэн улиг аргыг хэрэглэсээр л байв. Сант маралын судалгаа рейтингээрээ өндөрт байгаа хүмүүсийн судалгааг дараах байдалтайгаар зарлаж байсан.

Сант маралын 2015 оны 04 сарын 17-ны судалгаа.

Тэр өндөр рейтинг нь тэгээд хаана байна. Эсвэл 1 жилийн дотор нөхцөл байдал 100% өөрчлөгдөх магадлалтай гэж мэдэгдэх байжээ.

Эцэст нь судалгааг хийж буй байгууллагууд улстөрчийн рейтингийг өсгөх зорилготой захиалгат зүйлс нийтлээд байна уу, эсвэл судалгааны арга зүй техникээ өөрчлөх хэрэгтэй болсныг сануулж байна.

Нэр дэвшигч бүр судалгааны байгууллагуудаар рейтингээ тодорхойлох судалгааг хийлгэсэн. Энэ нь хуулиараа сонгуулийн өдрөөс 7 хоногийн өмнө хориглогдсон учир тэр хугацаанаас өмнө хийгдсэн гэсэн үг.

Энэ судалгааны дүнгүүд хэр бодитой байсныг сонгуулийн маргааш батлагдсан гэж хэлж болно.

Сонгуулийн дараа судалгааны байгууллагуудын чансаа тодорхойлогддог