Эдийн засгийн байнгын хорооны хуралдаан үргэлжилж байна. Гишүүд үг хэлж асуулт асуулаа.

УИХ-ын гишүүн Ц.Даваасүрэн: Энэ сан хэрэгтэй юмуу, хэрэггүй юмуу үр ашиггүй юмуу баахан дүрэм журам хуулиа зөрччихий гээд яригдаад байдаг зүйлтэй. Өнгөрсөн дөрвөн жилийн хугацаанд засгийн газраас байнгын хорооны гарсан талаар Засгийн газар гээд тодорхой бүтцээ ер нь ямар ямар сангуудаа авч үлдэх вэ гэдэг саналаа оруулж ир гэсэн шийдвэр гарсан боловч одоог болтол хэрэгжээгүй гэж ойлгож байна.

Намайг байх хугацаанд бол оруулж ирээгүй Ч.Улаан сайд байсан. Засгийн газар хэлж өгөөгүй юм билээ. Ч.Улаан сайд бол оруулсан гэж би ойлгосон. Дараагийн сайд нар дээр бол бүр тэгээд оруулаач үгүй алга болсон юм байна лээ. Энэ асуудлыг ер нь байнгын хороо тогтоолынхоо хэрэгжилтийг бас эргэж хараад цэгцлэхгүй бол ийм л юм яваад байна.

Энэ нэг гурав дөрөвхөн яамны сангуудыг яриад байгаа шүү дээ. ХНХЯ дээр ярихдаа бусад сангуудын ерөөс үзээгүй юм шиг байна. Зөвхөн тэр мэргэжлийн сургалт үйлдвэрлэлийн сангуудыг үзээд явчихсан юмуу даа гэж ойлголоо. Нийт сангуудын хүрээг хамруулж байгаад шийдвэр гаргахгүй бол ялангуяа хууль бус зарцуулсан гэдэг асуудал тасралтгүй үргэлжилж явна.

Адаглаад тогтоол гаргалаа гэхэд өмнөх тогтоолуудын хэрэгжилтийг нэхэх ёстой, нөгөөтэйгүүр журмуудаа хуулийн дагуу болгох асуудлаа шийдвэрлэх ёстой үүн дээр шийдвэрлэж чадахгүй зүйлүүд байгаад байна. Зүгээр л зөвлөмж дүгнэлт өгсөн болоод л явчихдаг байнгын хорооноос тогтоол гаргавал яасан юм бэ гэж бодож байна.

Ц.Даваасүрэн: Тогтоол гаргалаа гэхэд өмнөх тогтоолын хэрэгжилтийг нэхэх ёстой