УИХ-ын хамгийн залуу гишүүн Ж.Сүхбаатар Монголын бодибилдинг, фитнессийн холбооны ерөнхийлөгчийн сонгуультай. Маргааш Бахрейнд Азийн бодибилдинг, фитнессийн аварга шалгаруулах тэмцээн эхлэх юм байна.Холбооныхоо хоёр тамирчин, ерөнхий нарийн бичгийн даргын хамтаар Ж.Сүхбаатар өнөөдөр Бахрейныг зорих аж. Саяхан Олон улсын бодибилдинг, фитнессийн холбоо (IFBB)-ны тэргүүн дэд ерөнхийлөгч, Азийн БФХ-ны ерөнхийлөгч н.Фахим манай улсад айлчилж, Монголын БФХ-ны уйл ажиллагаатай танилцжээ.

Энэ үеэр IFBB-гийн дээд шагнал алтан медалиар эрхэм гишүүнийг шагнасан байна. Уг шагналыг Ерөнхий сайд С.Батболд, ҮОХ-ны ерөнхийлөгч Д.Загдсүрэнд ч бас өгчээ. Бахрейнд болох Азийн аваргын тэмцээний үеэр 2011 оны бодибилдинг, фитнессийн тивийн аварга шалгаруулах тэмцээний эрхийн төлөө Монгол Улс өрсөлдөх юм байна. IFBB-г ax дуу Жо, Бен Уэйдер нар санаачилсан бөгөөд тус холбооны дэлхийн аваргуудаас хамгийн алдартай нь АНУ-ын Калифорни мужийн амбан захирагч А.Шварценеггер билээ.