УИХ-ын гишүүн Ж.Сүхбаатар:

-Манай намын 90 жилийн ой тохиож байгаад сэтгэгдэл өндөр байна. Монгол орны тусгаар тогтнолыг авчирснаас эхлээд XX зуунд улс орондоо бүтээсэн зүйл ихтэй нам. 90 жилийн өндөрлөгөөс эргэж харахад мартагдах, мөхөх шахсан улс орныг манай нам сэрээж, тусгаар тогтнолын төлөө тэмцлийг үргэлжлүүлж өнөөгийн сайхан цаг үед авч ирсэн. XXI зуунд улс орноо эрчимтэй хөгжил рүү уриалан дуудсан улстөрийн хүчин байхын төлөө бид ажиллаж байна. Энэ жил тусгаар тогтнолын хөдөлгөөний 100 жил, Ардын хувьсгал, Ардын намын 90 жилийн ой тохиосон онцлог жил. Монгол хүний гэх орон, тусгаар, тогтнол, эрх чөлөөгөөрөө бахархсан, ирээдүйдээ итгэлтэй болгосон Монгол Ардын Намын гишүүн болсноороо бахархаж байна.