УИХ-ын гишүүн Ж.Мөнхбатын зохион байгуулсан "Монгол тандаа зүтгэе" тоглолт болж өнгөрлөө. Тоглолтын орлогыг 100 оюутны сургалтын тэтгэлэгт зарцуулах юм.

Энэ тэтгэлэгт урлаг, спорт, сурлагын амжилт гаргасан сургалтын төлбөрөө төлөх боломжгүй 100 оюутан шалгарчээ. Шалгарсан шилдэг оюутнуудад тоглолтын үеэр батламжийг нь гардуулж өгчээ. 

УИХ-ын гишүүн Ж.Мөнхбат: Уран бүтээлээс олж байгаа орлого гэдэг бол тархиа, зүрхээ, сэтгэлээ, авьяасаа борлуулж байгаа орлого. Үүгээр монголын 100 оюутанд бага ч болов тус нэмэр болж байгаад баяртай байна.