Энэхүү зурган дээр УИХ-ын эрхэм гишүүн Х.Баттулга дүү Х.Батгуулынхаа хамт буй нь. Ах нь ДАШТ-ий алтан медалиа, дүү нь дэлхийн сайн санааны тоглолтын аваргын алтан медалиа энгэртээ зүүжээ. Нэгэн цагт их спортын дэвжээнээ ноёрхож, Монгол Улсынхаа нэрийг дэлхийн тавцанд цуурайтуулж явсан тэдний төрсөн өдрийн баяр нэг өдөр тохиодог нь ч сонирхолтой. Ах нь самбо, жүдо бөхөөр барилдаж, анхны оролцсон ДАШТ-дээ л аварга болж байсан гэдэг. Харин Х.Баттуул нь сайн санааны наадмын аварга хэмээх эрхэм цолыг хүртсэн манай улсын цорын ганц тамирчин билээ.

Дэлхийн дэвжээнээ хүч авьяасаа шавхаж явсан Х.Баттулга өдгөө Зам тээвэр, барилга, хот байгуулалтын сайдын албыг хашихын зэрэгцээ Монголын жүдо бөхийн холбооны ерөнхийлөгчөөр ажилладгийг монголчууд андахгүй. Харин "Женко" группын ерөнхийлөгч, дүү X. Баттуул нь чөлөөт бөхийн төрлөөр барилдаж, ДАШТ-ий алтан медалиас атгаад алдсан нэгэн гэж бөхийн хорхойтнууд ярилцдаг юм. Тэрбээр одоо хэдэн мянган мэргэжилтнийг ажлын байраар ханган улсдаа тэргүүлэгч ажил олгогч болоод байгаа билээ.
Ямартай ч ах дүү хоёрын төрсөн өдөр энэ өдөр тохиодог ажээ.