УИХ-ын гишүүн Н.Учралын санаачлагаар “Чингис хаан” хүүхэлдэйн кино СХД-ийн төгсөх ангийн 3000 сурагчдын дунд нээлтээ хийлээ.

УИХ-ын гишүүн Н.Учрал: “Чингис хаан” анимейшн гарснаар хүүхэд залуучуудад эх түүхээрээ бахархах,  Чингис хааны түүхийг судлах сонирхлыг төрүүлсэн үйл явдал болсон.  Бид энэ киногоор дамжуулж  түүхээрээ бахархах, үзэл суртлыг нийгэмд түгээх нь чухал байна. Энэ  утгаараа  СХД-ийн 3000 сурагчдыг Соёмбо кино театртай хамтраад уг киног үнэгүй үзүүлэх болсон. Ингэснээрээ 3000 айлын гэрт Монголын түүхийн талаар яриа өрнөөсэй гэсэн хүсэлтэй  байна.

УИХ-ын гишүүн Н.Учрал “Оюуны өмчийг эдийн засгийн эргэлтэд оруулах тухай” хуулийн төслийг санаачилж хэлэлцүүлгийн шатандаа явж байгаа. Энэхүү хуулийн төсөлд уран бүтээлчдийг төрөөс хэрхэн дэмжих,  шинэ санааг эдийн засгийн эргэлтэд оруулж эдийн засгийг солонгоруулах гэсэн заалтууд байгаа юм байна. Энэ хүрээндээ монгол хүний ур ухаан, авьяас чадвараар бий болсон бүтээлийг дэмжиж  байгаагаа илэрхийлсэн юм.