“Туршлага солилцох, түгээн дэлгэрүүлэх үзүүлэх сургууль – 2017” уралдаанд шалгарсан Хан-Уул дүүргийн Шилдэг 3 туршлагатай газар дээр нь танилцлаа.

Хан-Уул дүүрэг “Эко дүүрэг” аян өрнөж байгаа бөгөөд тус дүүргийн бүх сургууль цэцэрлэг эко орчин бүрдүүлэх ажлыг амжилттай зохион байгуулж байна. Тухайлбал, Экологийн тэнцвэртэй байдлыг алдагдуулдаг гялгар улавчнаас татгалзаж, эко улавч хэрэглэх хэрэглээг нэвтрүүлжээ. Мөн дүүргийн сургууль, цэцэрлэгийн ногоон байгууламжийг нэмэгдүүлэх, бүх байгууллагыг эко зогсоолтой болгох, хогны менежментийг нэвтрүүлэх ангилан ялгалт хийх, ус, эрчим хүчний хэрэглээг хэмнэлтийн горимд шилжүүлэх ажлыг амжилттай хэрэгжүүлж байна.

Сүүлийн жилүүдэд гэр бүлийн боловсролын асуудалд төр захиргааны болон боловсролын байгууллагууд онцгой анхаарч байна. Ялангуяа эцэг эхийн хүүхэддээ тавих халамж анхаарлыг сайжруулах , хариуцлагыг өндөржүүлэхэд чиглэсэн 165 дугаар цэцэрлэгийн эрхлэгч Ч. Энхтуулын санаачилсан “Эцэг эхийн амлалт”, 75 дугаар сургуулийн нийгмийн ажилтан Д. Ихэрзаяагийн санаачилсан “Ааваараа бахархана” ажлуудыг тус дүүргийн Боловсролын байгууллагуудаас хэрэгжүүлж, түгээн дэлгэрүүлж эхэлсэн байна.

Сургууль, цэцэрлэг гэр бүлийн боловсролд анхаарч байна