УИХ-ын чуулганы /2018.05.11/ хуралдаанаар  “Монгол Улсын эдийн засаг, нийгмийг 2019 онд хөгжүүлэх үндсэн чиглэл батлах тухай” тогтоолын төслийг хэлэлцлээ.

Нэгдсэн төсвийн нийт орлого 2018 онтой харьцуулахад 2019 онд 1.9 их наяд орчим тэрбум төгрөгөөр нэмэгдэх, сүүлийн жилүүдэд 4 оронгоор хэмжигдэж байсан зээлийн үйлчилгээний төлбөр 300 орчим тэрбум төгрөгөөр буурч 860 гаран тэрбум төгрөг болох, Засгийн газрын өнөөгийн үнэ цэнээр илэрхийлсэн нийт өрийн ДНБ-д эзлэх хувь 10 орчим хувиар буурч, ДНБ-ий 55 гаруй хувьд хүрэх, Засгийн газрын дотоод нийт өр дунд хугацаанд тогтмол буурах,  хөрөнгө оруулалтын зардал болон цэвэр зээл 760 гаруй тэрбум төгрөгөөр нэмэгдэх, төсвийн алдагдал 314 тэрбум төгрөгөөр буурах, төсвийн алдагдлыг нөхөх зориулалтаар дотоодын бонд гаргахгүй байх зэрэг эерэг нөхцөл байдлууд бүрдэнэ гэж төсөөллөө гэдгийг онцлов. Нэгдсэн төсвийн 2019 оны хүрээний мэдэгдэл, 2020-2021 оны төсвийн төсөөлөлд нэгдсэн төсвийн тэнцвэржүүлсэн тэнцлийн ДНБ-д эзлэх хувийг 2019 онд -6.1, 2020 онд -4.3, 2021 онд -2.5 байхаар тус тус тооцжээ.

УИХ-ын гишүүн Б.Баттөмөр: 

Эдийн засгийг тэлэх замаар орлого нэмж олох боломжийг судлах хэрэгтэй. Инфляц нэмэхгүй орлого нэмэх боломж байна уу? Инфляц бол хулгайч гэдэг. Инфляц өсөхөөр эдийн засаг өсдөг гэдэг ойлголт унасан. Төсвийн хүрээний мэдэгдэл дээр 8 гэсэн тоо тавьсан. Төсвийн хүрээний мэдэгдлийг ярьж байхад Монгол банк, Санхүүгийн зохицуулах хорооноос хүмүүс байх хэрэгтэй. Хуулиараа үүрэг хүлээсэн. Үүн дээр тавигдсан тоо бүр дээр анхааралтай ажиллах хэрэгтэй. Эдийн засгийг идэвхжүүлэх ямар ажил хийх гэж байна вэ? Татварын шинэчлэлийн онцлог юу байна вэ?

УИХ-ын гишүүн, Сангийн сайд Ч.Хүрэлбаатар : Эдийн засгийн хувьд өндөр, инфляц бага байвал хамгийн таатай орчин бүрдэнэ. Өнгөрсөн хугацаанд мөнгөний бодлого дээр алдаатай зүйл гарсан. Нэг мөнгөн дээр 2 хүү төлдөг алдаа гардаг байсан. Үүний зассан. Мөнгөний бодлогыг засах нэг алхам болсон.

УИХ-ын гишүүн Б.Баттөмөр: Төсвийн орлогыг нэмэгдүүлэх асуудал мөнхний сэдэв. Бидэнд төсвийн орлогыг нэмэгдүүлэх боломж байна.