УИХ-ын гишүүн Ч.Улаантай ярилцлаа.

-МАХН-ын XXVI Их хурал нөгөөдөр эхлэх гэж байна. Бэлтгэл ажил хэр хангагдсан бэ?

-Энэ сарын 4-6-нд ээлжит Их хурал хуралдана. Хэлэлцэх, шийдвэрлэх асуудлууд боловсруулагдаж дууссан гэсэн мэдээлэлтэй байна, бид. Баримт бичиг боловсруулахад нэлээд эртнээс хэд хэдэн ажлын хэсэг томилогдож ажилласан. Энэ сарын 3-нд намын Бага хурал зарлагдсан байгаа. Үүгээр намын Их хуралд оруулах бодлогын баримт бичгийг шийдвэрлэнэ.

-Саяхан АН-ын Гүйцэтгэх зөвлөл хуралдсан. Эрх үүргийн хувьд танай намын Бага хуралтай дүйцэх АН-ын Гүйцэтгэх зөвлөлийн хурлаар сахилга, хариуцлага, бүтэц зохион байгуулалтын асуудлыг орхигдууллаа гэсэн шүүмжлэл өрнөж байна. МАХН-ын Бага хурлаар сахилга, хариуцлага, бүтэц зохион байгуулалтьш асуудлыг хэлэлцүүлэх үү, эсвэл?

-Намын Их, Бага хурлаар төлөвлөсөн асуудлуудаа л хэлэлцүүлдэг. Хойш, урагш болгох зүйл байхгүй. Намын Их хуралд бэлтгэх явцад гишүүдийн дунд ергөн хүрээтэй хэлэлцүүлэг явагдсан. Өнөөдөр нийт гишүүдийн байр, суурь тодорхой болчихсон. Тэгэхээр намын нийт гишүүдийн нэгдмэл байр, суурийн үүднээс асуудалд хандах зарчмаар ажиллаж байгаа. Намын Их хуралд нийт гишүүдийн үзэл бодол, байр,суурийг илэрхийлсэн асуудлууд бүгд хэлэлцэгдэх учиртай.

-Намын Их, Бага хурлаар төлөвлөсөн асуудлуудаа хэлэлцүүлнэ гэж та хэллээ. Тодорхой болчихсон ямар асуудлууд байгаа вэ?

-Тэрийг хэлж боломгүй байна. Нэг талаас намын хурлаас гарах шийдвэр, бодлогын баримт бичгүүд тодорхой төвшинд боловсруулагдаж байгаа. Гишүүн болгон түүнийг ил тод яриад байж болохгүйлдээ.

-МАХН-ын XXV Их хурал шинэчлэлийн гэсэн тодотголтой хуралдаж, "Элсний" гэгддэг 13 гишүүн гол илтгэлүүдийг бичихийн зэрэгцээ Засгийн газрын бүтцийг цомхотгох, төсөв хэмнэх асуудлыг хүчтэй тавьсан. Өнөөдөр өмнөх Их хурлынхаа бодлого, шийдвэрийн хэрэгжилтийг дүгнээгүй байж дараагийн хурлыг хийх гэж байгааг шүүмжлэх хүн олон бий. Энэ асуудлыг хэлэлцүүлэх болов уу?

-Намын XXVI Их хурлаар мэдээж өмнөх их хурлын шийдвэрийн хэрэгжилтийн явцад үнэлэлт, дүгнэлт өгч таарна. Асуудал хэлэлцэгдэнэ. Хүмүүс ямар төвшинд, хэрхэн дүгнэлт хийхийг анхаарч байгаа байх. Намын Бага хурлын илтгэлүүдээс нэлээд зүйл тодорхой болно. Өмнөх Их хурлын бодлого, шийдвэр, алдаа, оноондоо дүгнэлт хийхгүйгээр дараагийн хурлаа хийж бодлогоо тодорхойлно гэсэн асуудал байж таарахгүй.

-Энэ удаагийн МАХН-ын Их хурал залуучуудаар фон хийж байх шиг. Намынхаа дэргэдэх залуучуудын байгууллагын даргаас эхлээд. нэр. бүрэлдэхүүнийг нь хүртэл өөрчиллөө. Мөн намынхаа нэр, үзэл баримтлалыг өөрчлөх гэж байна. Магадгүй Их хурлын төлөөлөгчөөр залуучуудыг сонгосон байхыг үгүйсгэхгүй. Үүгээрээ нам өөрчлөгдөж байгаа гэсэн мессэжийг олон нийтэд цацах гэж оролдож байна гэсэн хард-лага бий. Нөгөө талаар нэр, нөлөө бүхий томоохон бизнесмэнүүдийн хүүхдүүдийг бодлогоор элсүүлж, тэр дотроо залуучуудын байгууллагын удирдах зөвлөлд сонгосон нь тэдний ар тал дахь мөнгөнд түшиглэснийх гэсэн шүүмжлэл өрнөж байна?

-МАХН нээлттэй нам шүү дээ. Намын дүрэм, мөрийн хөтөлбөрийг хүлээн зөвшөөрч, хамтран ажиллахыг хүссэн хэнийг ч элсүүлэх боломжтой. Заавал гадаадад сургууль төгссөн байна гэх юм уу, эсвэл мөнгөтэй байх ёстой гэх зэргээр ямар нэгэн тусгай болзол, шалгуур тавьдаггүй. Сүүлийн үед намын гишүүд, олон нийтийн дунд шинээр элсч байгаа хүмүүсийн талаар таагүй хандлага, янз бү

Ч.Улаан: Засаг бутартал "шаварт ойчсон шарын эзэн" гэгчээр МАХН л бутарна