УИХ-ын гишүүн Ч.Улаан нь 2009 оны УИХ-ын намрын чуулганы хугацаанд нэгдсэн уулзалтуудыг 24 удаа хийж түүнд 3800-аад хүн хамрагдсаны зэрэгцээ 100 гаруй хүн ганцаарчлан уулзаж санал бодлоо илэрхийлсэн байна.

Мөн аймаг, сумдын цаг үеийн ажил, өвөлжилтийн байдал, сургууль, цэцэрлэг, хилийн цэрэг, хүчний байгууллагуудын ажилтай байнга танилцаж санал бодлыг нь сонсож зөвлөлгөө өгч байсны зэрэгцээ төрийн бус болон зарим үүсгэл санаачлагын байгууллага, хөдөлгөөний гишүүд, дэмжигчидтэй уулзаж санал хүсэлтийг нь авч дэмжлэг туслалцаа үзүүлж байлаа.

Иргэд сонгогчдын санал хүсэлтийг багцлан авч үзвэл:

• Жижиг  дунд үйлдвэрлэлийг дэмжих, зээлийн үр өгөөжийг дээшлүүлэхэд анхаарч, зээлийн хэрэгжилтэнд тавих хяналтыг сайжруулахын зэрэгцээ хэрхэн эзнээ олж өгч чадсан эсэхэд шалгалт хийж үнэлгээ өгөх.
• Хөдөө орон нутагт ажиллаж байгаа төрийн албан хаагчдыг орон сууцтай болгоход анхаарч, орон сууц барих хөрөнгийн эх үүсвэрийг бий болгох.
• Төрийн дээд шагнал олгох журманд өөрчлөлт оруулсан тохиолдолд Сүхбаатарын одонг хэвээр үлдээх.
• Бэлчээр нутаг цөлжиж байгаатай холбогдуулан уст цэгийн тоог олшруулах.
• Нийгмийн даатгалын хуулинд өөрчлөлт оруулж, эмийн эргэлтийн сантай болгон, хөдөө сум, хилийн цэргийн хороонд ажиллаж байгаа эмч ажилчдын хөнгөлөлт, урамшуулалыг өгдөг байх.
• Эмнэлгийн тусламж үйлчилгээний төсөв, хөрөнгийн хэмжээг хүн амын нягтралаас хамааран өсгөх, сумын их мэчийг нарийн мэргэжил олгох курс, дамжаанд суралцуулж, өвчний оношийг сум орон нутагт эрт илэрүүлж байх чадавхитай болгохын зэрэгцээ сүүлийн үеийн оношлогоо үйлчилгээний багаж тоног төхөөрөмжтэй ажиллах ур чадвар эзэмшүүлэх
• Нутгийн өөрөө удирдах ёсны байгууллагууд гаргасан шийдвэрээ хэрэгжүүлдэг болох

Тухайлбал: Аймгийн ИТХ-ын “Байгальтай харьцах эрхийн зөвшөөрлийн хураамжийн хэмжээг тогтоох тухай” тогтоолд, Бичигтийн хилийн боомтоор нэвтрэхч байгаа тээврийн хэрэгсэл бүрээс тодорхой хэмжээний хураамж авч аймаг хөгжүүлэх санд төвлөрүүлэн, тэр хөрөнгөөс хил хамгаалалтын үйл ажилллагааг дэмжих тухай заасан бөгөөд одоогоор багагүй хэмжээний мөнгө хуримтлагдсан боловч задгай болсон300-аад км хийлийн торгон хаалтыг шинэчлэхэд ямарч дэмжлэг туслалцаа үзүүлэхгүй байгаад хилчин дайчид гомдолтой байгаа төдийгүй тус тогтоолын хэрэгжилтийг гаргаж ил тод мэдэээлэхийг санал болгож байна.

• Хийлийн боомтоор ундаа, усны саванд савлагдсан их хэмжээний спирт орж ирж хураагдаж байгаа боловч бүрэн таслагдахгүй байгаа нь “Азийн чоно”-ын аюул дахин давтагдаж болзошгүйг харуулж байгаа тул хүнсний аюулгүй байдалд тавих хяналтыг улам сайжруулах мөн сургуулийн хүүхдийн үдийн хоол хөтөлбөр, хүнсний захуудын үйл ажиллагаанд ч гэсэн нэгэн адил анхаарах
• Мал эмнэлгийн үйлчилгээг сайжруулах, тарилт, туулгыг график журмын дагуу хйиж малаа эрүүлжүүлэх замаар малаас гардаг бүтээгдэхүүнийг чанаржуулж, гадаадад гаргах асуудалд илүүтэй анхаарах
• “Эх орны хишиг”-ийг хэрхэн яаж олгох болон УИХ-ын гишүүдийн багцад орсон нэг тэрбум төрөгийн санхүүжилтийн талаар уулзалт бүр дээр асуулт гарч байсан бөгөөд Эх орны хишиг”-ийг бүрэн эрхийн хугацаа нд дэс дараалалтай олгохоос 02-р сарын 1-нээс эхлэн хүүхэд, ахмад настан, хөгжлийн бэрхшээлтэй иргэдэд 70000 төгрөг олгогдож эхлээд байгааг УИХ-ын гишүүн тайлбарласан.

2009 оны 500 сая төргөигй санхүүжилтээр хийгдэх хөрөнгө оруулалтынхаа тайлангаа тавьж, 2010 оны 1 тэрбум төгрөгийн санхүүжилтээр хийгдэх хөрөнгө оруулалтынхаа төслийг танилцуулж тайлбарлан сурталчилсаныг иргэд сонгогчид талархан дэмжиж байлаа.

УИХ-ын гишүүн Ч.Улаан өөрийн сонгогдсон тойрог орон нутагтаа ажиллахдаа урлагийн бичил хамтлагтай явж хөдөөгийн хөдөлмөрчдөд үйлчилдэг нь тэдний талархалыг ямагт хүлээж байдаг.

Мөн гишүүний санаачлагаар явагдаж байгаа Дэлхийн зөнн олон улсын байгууллагаас хэрэгжүүлж байгаа Ерөнхий боловсролыг дэмжих тэтгэлэгт хөтөлбөрт төвийн 2 сургууль, Наран, Сүхбаатар сумдын сургуулийн 200 хүүхэд хамрагдлаа.