Дархан-Уул аймгийн Засаг дарга С.Насанбатын санаачилга, дэмжлэгээр тус аймгийн 41 цэцэрлэгийн эрхлэгч туршлага мэдээлэл солилцох уулзалт аяллыг Улаанбаатар хотноо зохион байгуулж байна.

Боловсрол, соёл, шинжлэх ухаан, спортын сайд Ц.Цогзолмаа аяллын багийг хүлээн авч яамны бодлого үйл ажиллагааны талаар мэдээлэл өглөө.

Уулзалтын эхэнд, “Монголын багш нарын өдрийн мэндийг хувиасаа болон яамны ажилчдын өмнөөс та бүхэнд хүргэж байна. Багш нарын баярыг ёслолын арга хэмжээ төдий биш харин нийгэмд багшийг дэмжих сэтгэл зүйг бий болгох агуулгын дор тэмдэглэхийг зорьж байна” гэлээ.

Олон жил үр бүтээлтэй ажилласан Дархан-Уул аймгийн долдугаар цэцэрлэгийн эрхлэгч О.Энхжаргал, "Бурхантын жаргалант өргөө" цэцэрлэгийн эрхлэгч С.Пүрэврагчаа нарыг Монгол Улсын Засгийн газрын шагнал "Боловсролын тэргүүний" ажилтан цол тэмдгээр шагналаа

Удахгүй болох Монголын болон дэлхийн багш нарын өдрийг угтан зохион байгуулж байгаа тус аяллын хөтөлбөрт соёлын биет ба биет бус өв соёлтой танилцах арга хэмжээнүүд мөн багтжээ.

Дархан уул аймгийн цэцэрлэгийн эрхлэгч нарт мэдээлэл өглөө