"Эрдэнэс-Тавантолгой" компани ирэх оноос хүрээлэн буй орчныг хамгаалах чиглэлээр "Ногоон говь" хөтөлбөрийг албан ёсоор хэрэгжүүлэхээр болжээ.

  Энэ хүрээнд эхний ээлжинд Цогтцэций сумын нутагт 80 га газар 100 мянган ширхэг мод тарьж ургуулах юм байна. Мөн хөтөлбөрийн хүрээнд "Ногоон хэрэм", "Ногоон агропарк", "Ногоон уурхай", "Тоосгүй уурхай" төслүүдийг шат дараатайгаар хэрэгжүүлнэ. 

Түүнчлэн тус компани хөдөлмөрийн аюулгүй байдлын асуудлаар гэрээт компаниудтайгаа уулзалт хийсэн байна. Энэ үеэр "Ногоон говь" хөтөлбөрийг хэрэгжүүлэх ажлыг уриалжээ. "Эрдэнэс Тавантолгой" компани хөдөлмөрийн аюулгүй байдал, эрүүл ахуйн холбогдолтой 42 журам, 25 горим, 80 гаруй маягтыг үйл ажиллагаандаа мөрдөн ажилласан. Бүгдийг нь дахин хянаж, давхардлыг арилгаж, шүүлт хийсний үр дүнд одоогоор 23 журам, 16 горимыг шинээр батлуулан мөрдөж ажиллахаар болсон байна.