Н.Оюундарь 2018.11.14 | УИХ-ын Хэвлэл мэдээллийн алба

Согтуурах, мансуурах донтой хүнийг захиргааны журмаар албадан эмчлүүлэх тухай хуулийг хэлэлцлээ

Согтуурах, мансуурах донтой хүнийг захиргааны журмаар албадан эмчлүүлэх тухай хуулийг хэлэлцлээ

УИХ-ын Хууль зүйн байнгын хороо (2018.11.14) өнөөдөр хуралдаж, таван асуудал хэлэлцэн шийдвэрлэв. Хуралдаан 61.1 хувийн ирцтэйгээр 10 цаг 55 минутад эхэлж, Засгийн газраас 2018 оны 05 дугаар сарын 11-ний өдөр өргөн мэдүүлсэн Согтуурах, мансуурах донтой хүнийг захиргааны журмаар албадан эмчлэх тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд эцсийн хэлэлцүүлгийг хийлээ. Төслийг эцсийн хэлэлцүүлэгт бэлтгэн нэр томьёог жигдлэн, нэгдсэн хуралдааны анхны хэлэлцүүлгээр олонхийн санал авсан зарчмын зөрүүтэй саналуудыг тусган эцсийн хувилбарыг бэлтгэсэн талаар УИХ-ын гишүүн, ажлын хэсгийн ахлагч Н.Оюундарь танилцуулав. 

Танилцуулгатай холбогдуулан тодруулга хийж асуулт асуух, санал хэлэх шаардлагагүй хэмээн гишүүд үзсэн тул санал хураалт явуулав. Төслийг чуулганы нэгдсэн хуралдаанд танилцуулж, батлуулахыг хуралдаанд оролцсон гишүүд 63.6 хувийн саналаар дэмжсэн.