УИХ-ын Тамгын газрын хэвлэл мэдээлэл, олон нийттэй харилцах хэлтсээс бэлтгэдэг "УИХ-ын цаг" тойм хөтөлбөрийг хүргэе.

Өнгөрсөн долоо хоногт Төрөөс мөнгөний бодлогын талаар 2019 баримтлах үндсэн чиглэл батлах тухай УИХ-ын тогтоолын эцсийн хэлэлцүүлгийг хийж баталсан. Тогтоолд санхүүгийн салбарыг дэмжих, тогтворжуулах, дунд хугацааны хөтөлбөрүүдийн хэрэгжилтийг хангах зэрэг тодорхой заалтуудыг тусгасан байна. 

УИХ-ын гишүүн, Ажлын хэсгийн ахлагч Б.Баттөмөр: Мөнгөний бодлогод орсон гол гол асуудлууд бол инфляцын түвшинг 2019 онд 8 хувьд барих, 2021 оноос 6 хувьд бууруулах зорилт тавигдсан. Монгол Улс Ази, Номхон далайн бүс нутгийн байгууллагуудын эрчимтэй хяналтанд байгаа. Мөнгө угаах, терроризмыг санхүүжүүлэх чиглэлд томоохон практик шинж чанартай олон арга хэмжээг авах шаардлагатай.