Дэлхийн Эрүүл Мэндийн Байгууллага өчигдөр шуурхай хуралдаж шинэ коронавирусийн халдварт өвчний тархалтын улмаас олон улсад онц байдал зарласан.

Үүнтэй холбоотойгоор Эрүүл мэндийн сайдын тушаалаар батлагдсан “Шинэ коронавирусийн халдвараас сэргийлэх, хариу арга хэмжээ авах, бэлэн байдлыг хангах” ажлын хэсэг яг одоо хуралдаж, цаашид авч хэрэгжүүлэх арга хэмжээгээ эрчимжүүлэх талаар хэлэлцэж байгаа талаар Эрүүл мэндийн яамнаас мэдээллээ.

ДЭМБ-ын Ерөнхий захирал Тедрос Адханом Гебрейесус олон улсад онц байдал зарлаж байгаа нь Хятад улс халдварыг тогтоон барьж чадах эсэхэд итгэхгүй байгаа гэсэн үг биш, харин эрүүл мэндийн систем сул хөгжсөн улс орнууд хамгаалах чадваргүй байгаатай холбоотой гаргасан гэж тайлбарласан юм. 

Өнөөдөр өглөөний байдлаар шинэ коронавирусийн тохиолдол дэлхийн 23 улсад бүртгэгдэж, халдвар авсан хүний тоо 9,480, нас барсан хүний тоо 213 хүрээд байна.