УИХ-ын  өнөөдрийн (2020.04.09) цахим хуралдаанаар Коронавируст халдвар /СОVID-19/-ын цар тахлын үед иргэдийн эрүүл мэнд, орлогыг хамгаалах, ажлын байрыг хадгалах, эдийн засгийг идэвхжүүлэх багц арга хэмжээний тухай тогтоолын төсөлтэй хамт өргөн мэдүүлсэн хуулийн төслүүдийг хэлэлцэж байна.

Энэ үед УИХ-ын гишүүн Ц.Цогзолмаа

Иргэдийнхээ эрүүл мэндийг хамгаалах гэдэг бол энэ тогтоолын амин чухал заалт. Мөн иргэдийнхээ орлогыг хамгаалах цогц арга хэмжээг авч хэрэгжүүлэх гэж байна. Хүнсний аюулгүй байдлыг хангах заалтын салшгүй нэг хэсэг нь Коронавирусын тархалтад өртөж байгаа хүмүүсийн дархлааг дэмжих асуудал.

Ажилгүйдэл нэмэгдэж орлого буурч байгаа энэ нөхцөлд тусгайлан харж үзэх иргэдийнхээ хүнсний хангамжийг яах вэ? гэдэг асуудал тулгарч байна. Төрийн бодлого хөгжлийн бэрхшээлтэй, олон хүүхэдтэй өрх толгойлсон хүмүүс өдрийн хоолоо залгахгүй хүнд нөхцөлд байгаа хүмүүст өрх бүрд очих боломжийг олгох тал дээр анхаарч томьёоллын хувьд харж үзээсэй гэсэн саналыг хэлмээр байна.