Улсын Их Хурлын 2020 оны хаврын ээлжит чуулганы өнөөдрийн (2020.04.16)-ны нэгдсэн цахим хуралдаанаар “Импортын барааны гаалийн албан татварын хувь, хэмжээ батлах тухай тогтоолын хавсралтад өөрчлөлт оруулах тухай” Улсын Их Хурлын тогтоолын төслийг хэлэлцэж байна.

Хуулийн төсөл нь төмс, сонгино, сармис, байцаа, шар лууван, шар манжинг гааль, НӨАТ-ыг нэмэгдүүлэх, мөн үр тариа, тэжээлийн таримал, төмс, хүнсний ногооны үрийг гаалийн албан татварыг тэглэх зэргийг тусгасан юм. Хэлэлцэж буй асуудалтай холбогдуулан УИХ-ын гишүүд асуулт, тодруулга авч байна.

Энэ үеэр УИХ-ын гишүүн О.Баасанхүү:

Монгол газрын хөрсөнд ургасан хүнсний ногоог хүртэх нь маш зөв. Хамгийн гол нь үнэ хямд, байнга хангаж чадах уу. Намар ногоочид хүчээр бөөнөөр нь ногоогоо зарахаас өөр гарц байдаггүй. Буудай тарьдаг хүмүүст Тариалан эрхлэлтийг дэмжих сангаас дэмжлэг үзүүлж байсан болохоос биш хүнсний ногоо тарьдаг хүмүүст ийм дэмжлэг байдаггүй гэж ойлгосон. Ямар ч эрүүл ахуйн шаардлага хангасан зориулалтын зоорь байхгүй.

Эдийн засгийн үр шимийг тооцоолсон уу. Хэн ч ногоочдод дургүй биш хэн ч Монгол ногоо идэх дургүй байгаа биш. Гаднаас орж ирэх ногоог хориглолоо гэхэд дотоодын хэрэгцээг дотоодоосоо хангаж, үнийг нь барьж чадах уу. Мөн хэдий хэмжээний агуулах баригдах боломжтой вэ.

Түүний асуултанд УИХ-ын гишүүн Х.Болорчулуун хариуллаа.

Монгол хүн монгол ногоо, мах, хүнсээ идэх боломж үүсч байна. Сүүлийн үед малын мах сэтгэл түгшээж байна. Монгол хүн тарьсан гэхээс илүү эрүүл хүнс гэдгийг нь тодотгох ёстой.

Тогтоолын төсөлд ногоочдоо дэмжих, хадгалалт, хамгаалалт, үнэ дээр нь анхаарах шаардлагатай. Эдийн засгийн тооцоотой, гарах үр дүн тодорхой байхаар байна. Ер нь бидэнд маш олон цаас үйлдвэрлэсэн. Хэрэгжилт дээр нь анхаарч, ажил хэрэг болгоорой.

О.Баасанхүү: Хамгийн гол асуудал үнэ хямд байх уу, тогтмол хангаж чадах уу?