УИХ-ын чуулганы өнөөдрийн нэгдсэн хуралдаан /2020.04.30/ эхэллээ. Энэ долоо хоногийн чуулганаар 17 хууль, тогтоолын төсөл хэлэлцэж, Агаарын бохирдлыг бууруулах талаар авч хэрэгжүүлж байгаа арга хэмжээний талаар Ерөнхий сайдын мэдээллийг сонсоно.

Хэлэлцэх асуудлын дараалалтай холбогдуулан гишүүд үг хэлж байна. 

УИХ-ын гишүүн С.Бямбацогт:

Чуулган хуралдаж дуусахад маш богино хугацаа үлдэж байгаа. Үндсэн хуулийн нэмэлт өөрчлөлт баталсантай холбогдуулан Улсын Их Хурлын 02  дугаар тогтоолоор заавал хаврын чуулганаар батлах нэлээд олон хууль байгаа. Эдгээр хуулиуд ихэнх нь өнөөдөр хэлэлцэгдэнэ гишүүд хуралдаандаа идэвхтэй оролцож хуулиудаа хурдан баталъя.