Английн хатан хаан Виктория нэг удаа «Бурхан минь, намайг тамд очсон ч дипломат үүрэг хариуцлага бүү хүлээлгээрэй» хэмээн уулга алдсан гэдэг. Үнэхээр дипломатч гэдэг бол хэн дуртай нь хийж чадах ажил биш. Үүнд бэлэг сонгох ч хамаарна. Улстөрчид, төрийн тэргүүнүүд дипломат харил цааны соёлыг илтгэсэн ямар бэлэг солилцдог болон энэ бүхэн нь юу илэрхийлдэг талаар энэ удаагийнхаа дугаараар хүргэе. Хаад бэлэг солилцох нь эрт дээр үеэс л улстөрийн шин чанартай байсаар ирсэн. Тэд хөрш улс оронтойгоо эв найрамдлыг эрхэмлэх, бэрхшээлтэй асуудлыг шийдэх зорилгоор хамгийн нүд хужирлам, урьд нь хэний ч харж байгаагүй онцгой бэлэг сэлт өгдөг байна. Мэдээж хэрэг эдгээр нь тухайн улс үндэстний дахин давтагдашгүй онцлогийг илэрхийлсэн байх нь чухал.

Жишээ нь Догшин Иваны төр барьж байх үед оросууд анх удаа амьд арсланг нүдээр үзсэн гэдэг. Тэдгээрийг Английн Хатах хаан Елизавета илгээсэн бөгөөд Оросын хаан арслангуудыг Кремлийн хананы дэргэд байлгахыг
тушаасан гэдэг. Оросын хаанд найр тавьж ирүүлсэн өөр нэг бэлэг бол Энэтхэгийн заан юм. Үүнийг Персийн toax Opoc орныг Османы эзэнт гүрэнтэй хийх дайнд хүч хавсрах байх хэмээн найдаж бэлэглэсэн аж. Оросууд
урьд хожид үзэгдэж харагдаагүй гайхалтай бэлгийг дуу алдан хүлээн авсан ч шахын төлөвлөгөө нурсан гэдэг. Зааныг дагуулж өгсөн маллагч нь гэнэт нас барж, халуун орны аварга амьтныг хэрхэн тэжээж, арчлахыг мэдэх хүн байгаагүйгээс хөөрхий заан ч үхсэн байна. Харин Оросын хаадын уламжлалт бэлэг бол мэдээж ангиин үслэг эдлэл. Нэг удаа Хятадын Гадаад хэргийн сайд Европын нэгэн орны элчин сайдын хүлээн авалтад уригджээ. Түүнд эзнийх нь спаниель үүлдрийн нохой ихэд таалагдсан аж. Ажигч элчин сайд хүлээн авалтаас хойш нэг их удалгүй хятад сайдад спаниелийн хоёр гөлөг явуулаад хэсэг хугацааны дараа бэлэглэсэн ноход таалагдсан эсэхийг асуужээ.

Хариу нь ч нэг их хүлээлгэлгүйгээр ирсэн Хятадын Гадаад хэргийн сайд захиандаа «Тэд их амттай байсан» хэмээн бичжээ.


Холливудад ажиллаж, амьдарч байгаа хүмүүсийн хувьд кино хамгийн шилдэг бэлэг байх нь мэдээж. Ер нь давуу талаа ашиглах л хэрэгтэй шүү дээ. АНУ-ын Ерөнхийлөгч Барак Обама ч үүнийг сайн мэддэг бололтой. Тэрээр Английн Ерөнхий сайд Гордон Браунд сонгодог 25 киноны цуглуулга бүхий DVD бэлэглэсэн байна. Хүний мууд дуртай зарим нэг англи сэтгүүлчид энэ бэлгийг доод зиндааных хэмээн нэрлэсэн сурагтай. Нэг хэсэг нь бүр доромжилсон утгатай гэж байхад нөгөө нь АНУ-ын Ерөнхийлөгчийн арчаагүйг гайхжээ.

Цай ч бас хүндтэй бэлэг сэлтэд тооцогддог аж. Цайг Хятадаас эхтэй, англичууд дэлгэрүүлсэн гэж үздэг ч Орост анх хэрэглэж эхэлсэн гэдэг. Анх Оросын элч Василий Старков энэхүү цай гэгч тансаг ундааг Монголын хаанаас бэлгэнд авсан байжээ. Шинэ ундаа Оросын эзэн хаан, ноёд тайжид таалагдсан аж. Дорнын хаад бусад улс орны элчид алтан загас бэлэглэж шоглодог байжээ. Шоглодог гэсний учир нь дагалдах захианд эдгээр загасыг ус гэрлээр хооллодог, тэжээл өгөх шаардлагагүй хэмээн бичсэн байдаг Мэдээж хэрэг хооллохгүй байхаар үхэж л таараа шүү дээ.