Дэлхийн хамгийн муу арван удирдагчийг “The Huffington post” сонин нэрлэсэн байна.

1. Хойд солонгосын тэргүүн II захирагч Ким Чен Ир /Kim Jong Il/ нь дэлхийгээс тусгаарлагдсан нутагтаа ганцаардмал нэгэн юм. Ард түмэн нь өлсгөлөнгөөр үхэж байхад тэр үргэлж л цэргийн хүчээр далайлгасан, хүний эрхийг зөрчин цөмийн зэвсэгээр сүрдүүлсэн мэдэгдэл хийдэг. Одоо мөнгөний хатуу бодлого явуулж, гадаад вальютыг хэрэглэхгүй байх зэрэг бодлого явуулдаг тэрбээр жагсаалтыг тэргүүллээ.

2. 1980 онд тусгаар тогтнохдоо эртний нэр болох "Зимбабве" нэрийг авснаас хойш Роберт Мугабе /Robert Mugabe/ захирагч нь болсон юм. Зимбабвегийн Мугабегийн бодлогоос болж олон хүний эрх зөрчигдөж байна.

3. Ираны Исламийн Бүгд найрамдах нам болон шашны тэргүүн Али Хаменей /Ali Khamenei/ нь өрнөдийн орнуудын заналхийллээс айхгүй, цөмийн хөтөлбөрөө цаашид үргэлжлүүлнэ гэж мэдэгдэж байсан юм. Түүний хэлсэн үгийг үндэсний телевиз нь шууд дамжуулж байжээ.

4. 1992 оноос хойш Бирмийн цэргийн дэглэмээр удирдаж байгаа генарал Тан Шве /Than Shwe/ юм. Түүний харгис бодлогыг эсэргүүцэж хэдэн арван лам жагсаал цуглаан хийж байсан билээ. Бирм одоо жуулчдын бүс нутаг боловч дотооддоо хатуу чанад бодлого бүхий хаагдмал улс болжээ.

5. 1994 оноос хойш Италийн төрийн эрхийг барьж буй Берлускони /Berlusconi/ нь нутгийнхаа хамгийн баян хүний гуравдугаарт ордог байна. Тэрбээр тойрон хүрээлэгч бүсгүйчүүд болон хүүхэмсэг зангаасаа болж олон улсын хэвлэл мэдээллээр байсхийгээд л шуугиан тарьдаг билээ. Өдгөө 73 насыг зооглож буй Берлускони 18-тай охинтой нэр холбогдсон гэргий Вероникагаас /Veronica/ салах үндэслэл болсон юм. Тэрбээр Барак Обамаг “хөөрхөн бор хүү” гэж хэлж бүдүүлэг хийгээд буруу алхам хийсэн юм.

6. Али Башир /Ali Basher/ нь 1989 оноос хойш Суданы тэргүүн хийж байгаа. Түүнийг олон улсын гэмт хэрэгтэй тэмцэх газар хүний эрхийг зөрчсөн болон дайны гэмт хэрэгт буруутган эрэн сурвалжилж байгаа юм. Тэрбээр Дарфурын бүс нутагт гол гэмт хэргийн шинжтэй үйл ажиллагаагаа явуулж байна.

7. Саудын Арабын хаан Абдула /Abdullah/ нь дэлхийн дээр эмэгтэйчүүдийн эсрэг хамгийн шударга бус хэрцгий тогтолцоо хэрэгжүүлж байна. Саудын Арабад эмэгтэйчүүдийн эрх одоо хүртэл хязгаарлагдмал байна. Эмэгтэйчүүд эрэгтэйчүүдийн шийдвэрээр л ажиллах, нөхөрт гарах, сурах, аялалд явах эрхтэй байгаа аж.

8. 2002 оноос хойш Хятадын Коммунист намын нэгдүгээр зэргийн дарга хийж байгаа Ху Жинтао /Jintao/ нь хүний эрх болоод хэвлэлийн эсрэг явуулж бодлого, ялангуяа Түвд болон Уйгарын Шинжаанд хагалан бутаргах бодлого явуулж буй нь энэ жагсаалтад багтаажээ.

9. 1969 оноос өдгөөг хүртэл Либиагийн засгийн эрхийг цэргийн хүчээр түлхэн унагаж, удирдагч болсон Кадафи /Qaddafi/ нь төмөр нударгаар улсаа барьж байна. Тэрбээр ард түмний бослого үймээнийг хүчээр нугачин дарж, гэсээн цээрлүүлэлт үзүүлдэг байна.

10. 1998 оноос хойш Венесуалийн ерөнхийлөгч болсон Уго Чавес /Сhavez/ нь Венесуэлийн үндсэн хуульд шүүмжлэлтэй хандан шинэчлэлийн хөтөлбөрт олон нийтийн санал асуулга явуулсан байна. Гэвч тэрбээр өөр үзэл бодол бүхий хүмүүсийн дуу хоолойг сонсохгүй социалист үзэл бодлоо хэвлэл мэдээллээр суртал нэвтрүүлэг цацдаг ажээ. Иймд тэрбээр энэ жагсаалтын сүүлийн мушгисан байна.