Цахим сургалт буюу алсын зайн сургалтыг илүү үр дүнтэй, өгөөжтэй болгох талаар бүх талын төлөөллийг оролцуулан хэлэлцүүлэг зохион байгууллаа.

Улсын Их Хурал түүхэндээ анх удаа Инновац, цахим бодлогын байнгын хороог байгуулж үйл ажиллагаагаа эхлүүлж Боловсрол, шинжлэх ухааны яамтай хамтран "Боловсролын салбар дахь цахим шинэчлэл"-ийн асуудлаар мэдээлэл солилцлоо.

Дэлхий нийтийг хамарсан аюулт цар тахал КОВИД-19-өөс үүдэн дэлхийн 165 оронд 1.5 тэрбум суралцагч танхимын сургалтанд хамрагдах боломжгүй болсон тухай ЮНЕСКО мэдээллэсэн. Түүнчлэн ЮНЕСКО-гоос "Learning never stops" уриалгыг гаргаж зайны сургалтыг зохион байгуулах талаар тэдгээр 165 оронд чиглэл, зөвлөмж хүргүүлж ажиллаж байна.

Монгол улсын тухайд ч өнгөрсөн 1 дүгээр сарын 24-нөөс хойш танхимын сургалтыг түр зогсоож теле болон цахим хэлбэрээр алсын зайн сургалтыг зохион байгуулж тодорхой хэмжээний туршлагыг хуримтлууллаа.

Үүн дээрээ тулгуурлан алсын зайн сургалт буюу цахимаар боловсрол олгох, оюутан суралцагчид алсын зайн сургалтад хамрагдаж диплом, сертификат хүртэх эрх зүйн орчныг бий болгох, мэдээллийн технологийн ололт амжилттай технологи дээр тулгуурлан нэгдсэн платформыг бий болгож, багш сурагчдын харилцааны бодит уялдаа холбоог бий болгоход онцгойлон анхаарч ажиллаж байна.

Цахим сургалт буюу алсын зайн сургалтын хэлэлцүүлэг зохион байгууллаа