2020.08.14
Даатгал, татварын хөнгөлөлт бодит дэмжлэг болно
МҮЭ-ийн холбоооноос Монгол Улсын 2020 оны төсвийн тодотголд хүргүүлэх саналыг боловсруулах зорилгоор Covid-19 цар тахлын үеийн хөдөлмөрийн харилцаанд гарсан нөлөөллийн тухай судалгааг аж ахуйн нэгж байгууллагуудад хийж байна.
Өнөөдөр буюу /2020.08.13/-нд МҮЭ-ийн холбооны “Хөдөлмөр”, сургалт судалгааны төв”-ийн багш арга зүйч Ш.Нандин-Эрдэнэ “Зорчигч тээвэр гурав” ОНӨААТҮГ-ын ҮЭ-ийн хорооны тэргүүлэгч Х.Ариунжаргалтай уулзаж судалгааны зорилго, санал асуулгын ач холбогдлын талаар танилцуулж өнөөгийн нөхцөл байдлын талаар ярилцлаа.
Тус ҮЭ-ийн хороо 263 гишүүнтэй ба цар тахлын үеийн эдийн засгийн хүндрэл одоогоор бага байгаа төдийгүй, ажилтнуудын хөдөлмөрлөх эрхэд ямар нэгэн зөрчил илрээгүй, цалин урамшуулал буурах, ажлаас гэнэт халагдах, ажлын байрны дарамт шахалтад өртөх тохиолдол үүсээгүй, ажилтнууд нь сул зогсох эрсдэл одоогоор үүсээгүй гэлээ. Мөн ХАБЭА-н зардлын мөнгөн дүнг “Хамтын гэрээ”-гээр нэмж батлаагүй ч тухайн бүрт нь байгууллагынхаа захиргаатай ҮЭ-ийн хороо нь зөвшилцөн холбогдох хэрэгцээтэй дархлаа дэмжих бүтээгдэхүүн, амны хаалтыг олгож ариутгал, халдваргүйжүүлэлтийн арга хэмжээг цаг тухайд нь шийдвэрлэж байна.
Засгийн газраас Covid-19 цар тахлын нөлөөллийн эсрэг авч хэрэгжүүлж буй НДШ, ХХОАТ-ын чөлөөлөлтөд тус байгууллага Төрийн өмчийнх гэдгээр хамрагдаагүй бөгөөд энэ хөнгөлөлт чөлөөлөлтөд хамрагдвал иргэд гишүүдийн цалин орлого нэмэгдэж, эдийн засаг хүндэрсэн цаг үед бодит дэмжлэг болно хэмээн ярив.
