УОК: Казахстан, АНУ руу 8 дугаар сард нэмэлт нислэг хийнэ
2020.08.18

УОК: Казахстан, АНУ руу 8 дугаар сард нэмэлт нислэг хийнэ

Улсын онцгой комиссын даргаас өгсөн чиглэлийн дагуу 2020 оны 8 дугаар сарын 30-ны өдөр Казахстан улсын нийслэл Нурсултан, 8 дугаар сарын 31-ний өдөр АНУ-ын Сиатл хот руу тусгай үүргийн нэмэлт нислэг үйлдэхээр шийдвэрлэлээ.

Нурсултан хот руу хийх нислэг замдаа Киргиз улсын нийслэл Бишкек хотод зогсож, хилээ хаасны улмаас тус улсаас нутаг буцах боломжгүй байгаа 30 гаруй иргэнийг авах бөгөөд эдгээр 2 нислэгээр нийт 520 орчим иргэн эх орондоо ирэх юм.

Эдгээр нислэгийг үйлдсэнээр энэ сард нийт 17 удаагийн нислэгээр 4240 гаруй иргэнийг эх оронд нь авчирна.