Дархан-Уул аймгийн Ардчилсан холбооны 20 жилийн ойн баярын хуралд оролцсон ЗТБХБ-ын сайд Х.Баттулга АХ-ны үйл ажиллагааны дараа тус аймгийн "Түшиг-Уул" ХК-ний элс, хайрга, дайрганы Гидро-Карьерын үйлдвэртэй танилцав.

Уг үйлдвэрийг /Жемснаряд гэдэг/ 1980 онд ОХУ-ын барилгачид барьж ашиглалтад оруулсан бөгөөд нуурын 20-30 метрийн гүнээс элс, хайргаа аварга том ноцоосны тусламжтайгаар соруулж 500м-1000м хүртэл шахаж шигшиж, бутлан ангилж, фракц, фракцаар нь ангилж Олон улсын стандартын шаардлагад нийцүүлэн төмөр замаар тээвэрлүүлж УБ, Дархан, Эрдэнэтийн бетон зуурмагийн үйлдвэрүүд, Асфальтан зуурмагийн узелүүдэд нийлүүлдэгээрээ онцлог давуу талуудтай учраас сайд удирдлагуудын үгийг нэлээд нухацтай сонссон.

Барилгын яамны орон сууц нийтийн аж ахуйн бодлого зохицуулалтын газар, Стандарт Хэмжил Зүйн Үндэсний Төв, Улсын Мэргэжлийн Хяналтын Газар, ТИС-ийн барилгын технологийн багш эрдэмтэдтэй хамтран ойрын үед яаралтай хамтран ажиллаж элс, хайрга, дайрганы стандартыг олон улсын жишигт нийцүүлэн боловсруулж батлуулах.
Орон сууцны болон зам гүүр, инженерийн байгууламжуудын Цутгамал төмөр бетон каркасын стандартыг шинээр батлуулах.
Асфальт, бетон зуурмагийн орц найрлаганд ордог элс, хайрга, дайрганы стандартыг шинэчлэн батлуулах гэх мэт үүрэг даалгавар өгч ажлын явцад саад бэрхшээл гарсан тохиолдолд өөрийн биеэр танилцуулж байхыг тус компанийн удирдлагуудад зөвлөж байв.

Сайдын өгсөн дээрх үүрэг даалгаврууд нь чанаргүй баригдаж байгаа барилга байшин, инженерийн байгууламжууд, Цутгамал төмөр бетон гүүр, Асфальтан хар замын ажлын чанарыг Олон улсын жишигт нийцүүлж, чанарын өндөр түвшинд хүрэхэд мөн газар хөдлөлтийн 7-8 баллын чичирхийлэлд хохирол багатайгаар гарахад онцгой чухал ач холбогдолтой юм.

Харин дээрх стандартуудыг хамгийн их газар хөдөлдөг Япон, Герман гэх мэт улсуудын мөрддөг стандартуудад нийцүүлээд баталчихвал МУ-ын Үндэсний Аюулгүй байдлын салшгүй нэг хэсэг болох ард иргэд, оршин суугчдын орчны аюулгүй байдал баталгаатай болох юм. Улсын Мэргэжлийн Хяналтын Албаны Барилга, Зам гүүрийн хяналтын байцаагчид, барилга хүлээн авдаг Улсын комиссын мэргэжлийн байцаагчдын мэдлэг ур чадвараас дээрх стандартуудын хэрэгжилт ихээхэн шалтгаална хэмээн сайдыг дагалдан явсан мэргэжлийн хүмүүс дурдаж байсан.

ЗТБХБ-ын сайд Гидро-Карьерын үйлдвэртэй танилцлаа