УИХ-ын чуулганы өнөөдрийн /2020.10.23/ нэгдсэн хуралдаанаар Засгийн газраас 2019 оны 05 дугаар сарын 03-ны өдөр УИХ-д өргөн мэдүүлсэн "Эм, эмнэлгийн хэрэглэгдэхүүний тухай хуулийн шинэчилсэн найруулга"-ын төслийн үзэл баримтлалын хувьд хэлэлцэх эсэхийг  хэлэлцлээ. 

Хуулийн төсөлтэй холбогдуулан УИХ-ын гишүүд асуулт асууж, санал хэллээ. 

УИХ-ын гишүүн Б.Бейсен:

• Эмийн чанар, аюулгүй байдал, хангалт, түгээлт, хадгалалт, тээвэрлэлтийн асуудлыг нарийн тусгаж өгөх хэрэгтэй. Сум, багийн хувьд эмийн сангийн асуудал байна. Үүнийг хангахгүйгээр төсвийг хичнээн ч нэмээд нэмэргүй. Цаашид үйл ажиллагааг нь баталж, хэн хяналт тавих вэ? Агентлаг уу, Эрүүл мэндийн яам уу?

• Сум багийн эм хадгалалтын асуудлыг сайжруулах хэрэгтэй. Эмийн хангалтын асуудал маш муу байгаа дээр анхаарах хэрэгтэй байна.

• Зарим тендер дээр батлагдаагүй эмүүд их орж байна. Аймгууд дээр нэн шаардлагатай шингэний эмнүүдийг үйлдвэрлэх тал дээр яаманд баримталж байгаа бодлого байна уу?