2020.12.25
МҮЭХ-оос Зохистой хөдөлмөрийн хөтөлбөрийг хэрэгжүүлэх хүрээнд талуудтай мэдээлэл солилцлоо
Олон улсын хөдөлмөрийн байгууллагаас 2017-2021 Зохистой хөдөлмөрийн хөтөлбөрийг хэрэгжүүлэх хүрээнд талуудтай мэдээлэл солилцох, хамтын ажиллагаагаа сайжруулах, уялдуулах зорилгоор техникийн ажлын хэсгийн ээлжит хурал 12 сарын 24-ний өдөр 10 цагаас цахимаар зохион байгуулагдлаа.
Уулзалтын хөтөлбөрийн дагуу ОУХБ-тай хамтран ажиллаж байгаа Хөдөлмөр, нийгмийн хамгааллын яам, Монголын ажил олгогч эздийн нэгдсэн холбоо, Монголын үйлдвэрчний эвлэлийн холбоо, Нийгмийн даатгалын ерөнхий газар, ХАА-н хоршоологчдын холбоо, Үндэсний статистикийн хороо, Хөдөлмөр нийгмийн харилцааны судалгааны институтын зүгээс хэрэгжүүлж байгаа төсөл, цаашид хамтран ажиллах чиглэлээ танилцуулж, харилцан мэдээлэл солилцлоо.
Тус хуралд МҮЭ-ийн холбооноос холбогдох газар, хэлтсийн дарга, ажилтнууд оролцож мэдээлэл хийлээ.
Уулзалтаас байгууллага бүр ирэх онд ОУХБ-тай хамтран ажиллах саналаа 1 сарын 20-ноос өмнө нэгтгэн хүргүүлж хамтран ажиллахаар тогтов.
