УИХ-ын чуулганы өнөөдрийн \2021.01.07\ нэгдсэн хуралдаанаар Монгол Улсын Үндсэн хуулийн цэцийн 2020 оны 11 дүгээр дүгнэлтийг хэлэлцлээ.

Хэлэлцэж байгаа асуудалтай холбогдуулан УИХ-ын гишүүд асуулт асууж, хариулт авч байна.

УИХ-ын гишүүн С.Ганбаатар:

Үндсэн хуулийн цэц дээр хөх тэнгэр байдаг гэсэн, одоо цагаан захтнуудын захиалгын мафи байна гэсэн үг. Үндсэн хуулийн цэц захиалгаар ийм аймшигтай хууль оруулж байна. Одоо УИХ хам хэрэгтэн болох уу гэдгээ шийдэх гэж байна.

Би энэ цэцийн дүгнэлтийн эсрэг байгаа. 2020 оны 1-р сарын 10-нд Ардын намынхан сонгуулийн өмнө түүхэн сайн шийдвэр гаргасан. Цагаан захтануудын авлигын асуудлууд дээр хөөн хэлэлцэх асуудлыг нь сунгаж байгаад гэмт хэргийн хариуцлагыг тооцдог болно гэсэн хууль баталсан. Сонгууль өнгөрсөн одоо нүүрээ буруулж болно гэж болохгүй. Цэцийн шийдвэрийг хүлээж авахгүй гэдэг шалтгаан нь зүгээр л 49 хувийн гэмт хэрэгтнүүд, ГОК-ийг дээрэмдсэн гэмт хэрэгтнүүд, Салхитын мөнгөний орд, Оюу-Толгойн гэрээг буруу байгуулсан хүмүүсийн толгойг илж болохгүй.

Цэцийн гишүүд хүний эрх, хүмүүнлэг энэрэнгүй ёс гэж ярьж байна. Энэ нь маш олон хүмүүсийн ажилтай, орлоготой байх боломжийг дээрэмдсэн хүмүүсийн тухай ярьж байгаа. Эрүүгийн гэмт хэргийн 22.1-ээр заалтад авлигал албан тушаал, гэмт хэрэг нь авлигал авсан тухай. Авлигалын конвенцэд авлигалтай холбоотой албан тушаалтны гэмт хэрэгтнүүдийн хөөн хэлэлцэх хугацааг сунгаж болно гэж заасан байгаа.

Авлигал албан тушаал, гэмт хэрэг хийсэн хүмүүст заавал хариуцлага тооцох ёстой. Одоо энэ хуулиараа том гэмт хэрэг хий, том авлигал ав, яаж ийж байгаад хугацаа ид гэдэг тухай бид ярьж байна.

УИХ-аас итгэмжлэгдсэн төлөөлөгч Цэц дээр байхдаа энэ шийдвэр гаргаснаар олон авлигалын гэмт хэрэгтэй, 13 том гэмт хэрэг байгаа. Бүгдээрээ ял завших боломж нь бүрдсэн. Ингэсэн үед ард түмнийг хохироосон энэ авлигалын гэмт хэргийн золиос, үр нөлөөг яаж хаах тухай Цэцээс асуусан уу? Авлигал ч хүмүүсийн толгойг нь илсэнээс болж үүсэх хор хохиролыг яаж нөхөн төлүүлэх, яаж ард иргэдэд гэм буруутай байдлууд дээр хариуцлага тооцох тухай асуусан уу?

Түүний асуултанд УИХ-ын гишүүн Ц.Сандаг-Очир хариуллаа.

Цэцийн хуралдаан дээр цэцийн гишүүд мэдээлэл гаргаснаар асууж байсан. Мэдээлэл гаргаснаар нэг талаасаа авлига, албан тушаалын гэмт хэрэгтэй яаж тэмцэх вэ? Авлига, албан тушаалын хэрэг нийгэмд ямар хохирол учруулж байна. Ер нь цаашид үүнтэй эвлэрээд явах уу гэдэг талаар яригдсан. Цаашдаа Монголын төр авлига, албан тушаалын гэмт хэрэгтэй тэмцэх үү үгүй юу? Ингээд ял завшаад явах уу үгүй юу?

С.Ганбаатар: Авлигал албан тушаал, гэмт хэрэг хийсэн хүмүүст заавал хариуцлага тооцох ёстой