УИХ-ын чуулганы өнөөдрийн \2021.04.09\ нэгдсэн хуралдаан боллоо. Хуралдаанаар Эрүүл мэндээ хамгаалж, эдийн засгаа сэргээх 10 их наядын цогц төлөвлөгөөний хэрэгжилтийн талаарх Засгийн газрын мэдээлэл сонсслоо.

Мэдээлэлтэй холбогдуулан УИХ-ын гишүүд асуулт асууж санал хэллээ. 

УИХ-ын гишүүн Г.Амартүвшин: 

"ААН-үүдэд олгож буй хөнгөлөлттэй зээлийн шалгуур өндөр, олголт удаашралтай байна гэж маш их гомдол ирж байна. Тиймээс төсвөөс нэгэнт хүүгийн татаас өгч байгаа учраас хүртээмжийг нь өргөжүүлж өгнө үү?

Зээлийн батлан даалтын сангийн үйл ажиллагаа хүнд сурталтай, удаан шийдвэр гаргаж, эрсдэлийн тохиолдол гарахаар төлбөрөө төлдөггүй байгууллага шүү. Тиймээс анхаарч өгнө үү?

Төсвийн хөрөнгө оруулалтын процесс удаан байна. эдийн засаг хүнд үед төсвийн хөрөнгө оруулалт чухал үүрэгтэй. Тиймээс үүнийг эрчимжүүлэх чиглэлд анхаарч ажиллаарай.

Маргаашнаас хатуу хөл хорио тогтоох гэж байна. ААН-үүдийн хүргэлтийн үйлчилгээг дэмжиж ажиллаарай. Хаах хэрэггүй. Тиймээс бизнесээ дэмжих чиглэлд УОК анхаарч ажиллаарай."

Түүний асуултанд Сангийн сайд Б.Жавхлан хариуллаа.

Сэтгүүлч

Редактор Ц.Соёлмаа soko@vip76.mn