З.Энхболд гишүүн Малын тоог онлайнаар бүртгэх санал гаргаад байгаа билээ.

"Малын хулгайтай тэмцэх ажил бүртгэлээс эхэлнэ. 40 сая малын бүртгэл сум бүрт байдаг. "А" дансны бүртгэл гэдэг. Энэ цаасан дээр байгаа мэдээллийг онлайн болгох нь хэргийг илрүүлэх, малын тоо толгойг гаргах гээд олон зүйлд хэрэг болно. Онлайнд оруулах үүргийг суманд өгч болно.

Сумын Тамгын газар бүх өөрчлөлт, шинэчлэлтийг хийх боломжтой. Ц.Мөнх-Оргил сайд байхдаа малын бүртгэлийг хийж чадахгүй гэж эсэргүүцэж байсан. Хэнд ямар үүрэг өгөх вэ гэдгийг Засгийн газар шийдэж болно. Уг нь Хууль зүй, дотоод хэргийн яаманд хүн амын бүртгэл байдаг. Мөн малын хулгайтай тэмцдэг байгууллага нь.

Мал тоолоход нэг жилд 200-300 сая төгрөг зарцуулдаг. Үүний 25 хувиар бүртгэлийг хийж болно. Машины бүртгэл сайн хийгдсэн байдаг. Мал машинтай адил эд хөрөнгө" хэмээн байнгын хорооны хурал дээр өөрийн энэхүү санаачилгаа тайлбарлаж байсан ч байнгын хорооны хурал дээр дэмжилэг авсангүй билээ. Харин үүнтэй холбогдуулан АН-ын бүлгийн хурлаар малчдын үнэт өмч болох 40 сая малыг хулгайлахаас урьдчилан сэргийлэх, малын тоо толгойг нэмэгдүүлэхэд онлайн бүртгэл чухал ач холбогдолтой гэж үзээд ажлын хэсэг байгуулжээ.

Өчигдрийн УИХ-ын нэгдсэн чуулганаар АН-ын бүлгийн дарга Ч. Сайханбилэг байнгын хорооны хурлаар малыг онлайнаар бүртгэх тухай асуудлыг хэлэлцэхдээ Дэгийн тухай хуулийг зөрчсөн. Учир нь Хуралдааныг орхиж гарсан гишүүдийн саналыг эсрэг саналаар авдаг. Гэтэл 13 ирцтэй байсан хурлын санал хураалтад дэмжсэн найм, дэмжээгүй гурав гэсэн нь дэг зөрчсөн тул чуулганаар хэлэлцэж болохгүй гэж үзэж байгаагаа хэлээд . Хэрэв уг хуулийн төслийг одоо хэлэлцэх гэж байгаа бол завсарлага авъя гэлээ.

Харин МАХН-ын бүлгийн дарга Д.Лүндээжанцан "40 сая малыг онлайнд оруулах боломжгүй гэж манай бүлгийн гишүүд үзсэн. Хоёр бүлэг тодорхой санал гаргаж, нэгтгэсний дараа дахин байнгын хорооноор хэлэлцье" гэлээ.

Малаа онлайнаар бүртгэх асуудал гацаа үүсгэх нь