МЭНДЧИЛГЭЭ

Монгол оронд ардчилсан хувьсгалын галыг асаасан МоАХ-ны гишүүд, дэмжигчид, монголчууддаа XVII жарны цагаагчин төмөр туулай жилийн хаврын тэргүүн сарын шинийн нэгний өдрийн мэндчилгээ дэвшүүлж, эрүүл энх, аз жаргалаар дүүрэн байхын өлзийт ерөөлийг өргөн барья.

Одоогоос 21 жилийн тэртээ МоАХ-ны анхдугаар их хуралд оролцож явсан анхдагчдын маань санчганд буурал сууж, хойч үеийн залуучууд тэднийхээ халааг авч уйл хэргийг нь залгамжлан ардчиллын үнэт зүйлсийг хамгаалах, түгээн дэлгэрүүлэх үйлст хүчин зүтгэсээр байна.

Монголын улс төрийн анхны ардчилсан иргэний байгууллага МоАХ-ны эгнээ өдрөөс өдөрт өргөжин тэлсээр байна. Улиран одож байгаа Тийн урвагч" хэмээх төмөр бар жил МоАХ-ны түүхэнд алтан үсгээр бичигдэх онцгой уйл явдлаар дүүрэн жил байлаа. Монголын төр, МоАХ Ардчилсан хувьсгалын 20 жилийн ойг эх орон даяар ёслон тэмдэглэж энэ хувьсгалын гол хөдөлгөгч хүч болсон партизануудаа шагнан урамшуулж, орон сууц олгож, хорвоогийн мөнх бусыг үзүүлсэн журмын нөхдийнхөө гэгээн дурсгалыг хүндэтгэсэн билээ.

Та бүхний минь эхлүүлж, галыг нь асаасан ардчилсан хувьсгалын үйл хэрэг өнөө ч үеэс үед дамжин өртөөлж, Монгол оронд хүмүүнлэг иргэний ардчилсан нийгмийг цогцлоон хөгжүүлэх, ардчилсан үзэл санааг түгээн дэлгэрүүлэх ариун үйлс цаашид ч гинжин хэлхээ мэт тасралтгүй үргэлжлэх болно.

Эрхэм журмын нөхөд, ардчилсан хувьсгалын анхдагчид, түмэн олон та нартаа ирж буй цагаагчин төмөр туулай жилийн мэнд хүргэж, айл хотлоороо амар амгалан, төрлөөрөө түвшин амгалан байхын ерөөл өргөе. Сайн үйлс мөнхөд дэлгэрэх болтугай.

Cap шинэдээ сайхан шинэлээрэй.