Баянгол дүүргээс УИХ-д сонгогдсон 4 гишүүний 3-н өчигдөр 17.40-д тангаргаа өргөж Монгол улсын УИХ ам бүл нэмж 75 гишүүнтэй боллоо.

Ингэснээр УИХ-дах МАХН-ын бүлэгт Ц.Мөнх-Оргил гишүүн нэмэгдэж МАХН 49 суудалтай,  АН-ын бүлэгт Х.Тэмүүжин гишүүн  нэмэгдэж АН 29 суудалтай, мөн "Иргэний эвсэл"-ээс Д.Энхбат сонгогдсоноор иргэний байгууллагаас нэг гишүүнтэй болж байна.

Чуулган дээр гурван гишүүний бүрэн эрхийг хүлээн зөвшөөрөх УИХ-ын тогтоол батлах санал хураалтад 75 гишүүний 54 нь оролцож 98.1 хувийн саналаар дэмжив. Гурван гишүүн тангаргын үг хэлж, төрийн тугандаа мөргөсний дараа төрийн дуулала эгшиглэлж тангаоаг өргөх ёслол дууслаа.

Үүний дараа шинэ гишүүдэд УИХ-ын дарга Д.Дэмбэрэл суудлыг нь зааж өгөв. Ц.Мөнх-Оргил гишүүн хамгийн урд талын эгнээд Р.Раш гишүүнтэй тохой нийлүүлж, Х.Тэмүүжин гишүүн Л.Гантөмөр, Д.Батбаяр хажууд Л.Гүндалай гишүүнинй зэрэгцлээ, харин Д.Энхбат гишүүн ИЗН-ын дарга С.Оюун, бие даан сонгогдсон З.Алтайтай хамт суурхар суудал хувирлагдажээ.