Өчигдөр Сонгуулын ерөнхий хорооны шинээр томилгдсон удирдлагууд тангаргаа өргөлөө.

УИХ-ын Төрийн байгуулалтын байнгын хорооны дарга Ө.Энхтүвшин тангараг өргөх ёслолын ажиллагааг нээсний дараа Сонгуулийн ерөнхий хорооны ахмад гишүүн Ч.Содномцэрэн Монгол Улсын Үндсэн хууль дээр баруун гараа тавьж тангаргийн угийг цээжээр уншихад тус хорооны дарга Н.Лувсанжав даган дуудаж, Монгол Улсын Үндсэн хууль, сонгуулийн хууль, тогтоомжийг дээдлэн сахиж, Сонгуулийн ерөнхий хорооны гишүүний үүргээ шударгаар биелүүлэхээ тангараглав, Тангараг өргөсний дараа гишүүд Төрийн сүлдний өмнө мэхийн ёсолж хүндэтгээд Төрийн далбаанаас адис авч тангаргийн хуудсанд гарын үсгээ зурлаа.УИХ-ын дарга Д.Дэмбэрэл тэдэнд Сонгуулийн ерөнхий хорооны гишүүний үнэмлэх гардуулж, баяр хүргэж хэлсэн үгэндээ, Сонгуулийн ерөнхий хорооны гишүүд Үндсэн хуульд тангараг өргөдөг нь ихээхэн ач холбогдолтой, хариуцлагын чухал хэмжүүр юм. Сонгуулийн ерөнхий хороо нь хэнээс ч хараат бие даасан байгууллага. Тиймээс тус хорооны гишүүд хуулиар олгогдсон энэ том эрх мэдлээ зөв эдэлж, иргэд сонгогчдын эрх ашгийн үүднээс асуудалд хариуцлагатай хандан, хуулийг дээдлэн сахиж, чин шударгаар ажиллах нь чухал юм гэдгийг онцоллоо.