2021.06.22

Ц.Мөнх-Оргил: Засгийн газар нэн яаралтай Төрийн нууцын хууль, Байгууллагын нууцын тухай хуулийг оруулж ирэх хэрэгтэй

УИХ-ын Хууль зүй байнгын хорооны өнөөдрийн /2021,06,22/ хурлаар Нийтийн мэдээллийн тухай хуулийн төсөл болон хамт өргөн мэдүүлсэн хуулийн төслүүдийг хэлэлцэх эсэхийг хэлэлцлээ.

Хэлэлцэж байгаа асуудалтай холбогдуулан гишүүд асуулт асууж хариулт авлаа.

УИХ-ын гишүүн Ц.Мөнх-Оргил :

Энэ бол төрийн байгуулалтын үйл ажиллагааг сайжруулах тухай биш цаашдаа манай улсад ардчилал тогтох хөрс суурь тогтох чухал асуудал. Мэдээллийн эрх чөлөөний хуулийн хэрэгжилтийг сайн харах, дүгнэх хэрэгтэй. Энэ хуулийн хэрэгжилтийг саармагжуулсан хууль бол төрийн нууцын хууль, Байгууллагын болон Хувь хүний нууцын тухай хуулиуд. Ялангуяа Төрийн нууцын тухай хуульд хэрэгтэй, хэрэггүй олон зүйл орсон. Байгууллага бүх мэдээллээ нуудаг. Тэгэхээр энэ 3 хуульд өөрчлөлт орохгүйгээр дээрх хууль явахгүй. Хуулийн нэршлийг бас сайн бодох ёстой. Төрийн мэдээлэл ил тод байх, төрийн мэдээллийг чөлөөтэй олж авах асуудал яригдаж байгаа юм.

Сэтгүүлч

Сэтгүүлч Ц.Соёлмаа soyolmaa@vip76.mn