СЕХ-ноос саналын хуудсыг албан ёсоор баталгаажуулан тойргийн болон салбар, хэсгийн хороодод хүргүүлээд байна.

Одоогоор урьдчилан саналаа өгөгсдөөс бусдад албан ёсны загварыг харуулах, түгээхээс нууцалж байна. Энэ нь хувилах, дамжуулж шилжүүлэх зэргээс урьдчилан сэргийлсэн арга хэмжээ юм байна. Харин хэрхэн саналын хуудсыг хэрхэн бөглөх талаар СЕХ-ноос заавар, зөвлөгөөг өгч байна. Үүнийг сонгогчийн үнэмлэхийн хамт иргэдэд тараасан гэх боловч хүмүүсийн гар дээр тэр бүр түгээгдээгүй байна. Бичгийн цаасыг дундуур нь нугалсан, А-5 хэмжээтэй саналын хуудас дээр хоёр нэр дэвшигчийн нэрийг дараалан бичиж, өмнө нь 1,1 гэж тус бүрт нь бичжээ. Сонгогч иргэн аль нэгийг дугуйлна. Дугуйлахгүй хоосон орхих юмуу өөр маягаар тэмдэглэсэн тэмдэглэгээг хүчингүйд тооцно гэдгийг СЕХ-ноос анхааруулж зөвлөж байна. Хоёр нэр дэвшигчийн нэрийг нийт саналын хуудасны 50х50 хувьд нь сөөлжүүлэн бичжээ.