УИХ-ын чуулганы өнөөдрийн хуралдаан цагаасаа жаахан хоцор эхлэлээ. Учир нь УИХ-ын дарга дэлхийн банкны хүмүүстэй уулзах уулзалттай байсан юм.

67.1 хувийн ирцтэйгээр эхэлсэн чуулганы хуралдааны эхний хэлэлцэх асуудал Харилцаа холбооны тухай хуульд нэмэлт, өөрчлөлт оруулах тухай хуулийн төслийг хэлэлцэх эсэхийн тухай байсан юм. Үндэсний аюулгүй байдлыг хангах, гэмт хэргийг таслан зогсоох чиг үүрэг бүхий байгууллага, албан тушаалтан харилцаа, холбооны сүлжээнд холбогдох, түүнийг хуульд заасан зорилгоор ашиглах боломжгүй байгаа учир уг хуулийн төсөлд техникийн иж бүрдлээр хангагдаагүй хуулийн этгээдэд тусгай зөвшөөрөл өгөхөөс татгалзах, үйлчлэгч нь Үндэсний аюулгүй байдлыг хангах, гэмт хэргийг таслан зогсоох чиг үүрэг бүхий байгууллага, албан тушаалтныг хуульд заасан журмын дагуу харилцаа холбооны сүлжээнд холбох, түүнийг хуульд заасан зорилгоор ашиглах нөхцөл, бололцоогоор хангах үүрэгтэй байхаар уг төсөлд тусгасан байгаа юм.

Хуралдааны эхэнд УИХ-ын гишүүн Д.Лүндээжанцан хаалттай хуралдах саналыг гаргаж, байнгын хорооны дарга Х.Жекей түүний энэ саналыг дэмжсэн юм. УИХ-ын дарга Д.Дэмбэрэл одоохондоо нээлттэй хэлэлцүүлгээ явуулж байя. Хэлэлцүүлгийн явцад гишүүд асуух, хэлэлцэх асуудлынхаа хүрээнд хаалттай хуралдах санал гаргавал, горимын санал хураая гэсэн ч тун УИХ-ын гишүүн Ц.Нямдорж “энэ асуудал хүссэн хүсээгүй төрийн нууцтай холбогдоно. Тийм учраас энэ шатнаас эхлээд хурлаа хаалттай хуралдъя” горимын санал гарсан юм. Горимын саналаар санал хураалт явуулахад гишүүдийн 52.9 хувь нь хаалттай явуулъя гэж шийдлээ.

УИХ хаалттай хуралдаж байна