УИХ-ын гишүүн Б.Бат-Эрдэнэ, Зам, тээврийн хөгжлийн сайд Л.Халтарийн хамт тойрогтоо ажиллаж, хийгдэж байгаа бүтээн байгуулалтын ажилтай газар дээр нь танилцаж үүрэг чиглэл өгч байна.

Бор-Өндөр - Даланжаргалан чиглэлийн 45 км замын далангийн байгуулалт бүрэн дууссан, суурь дэвсгэр хучилтын ажил 50 хувьтай явж энэ ондоо дуусна, өнгө хучилт дараа оны 5-р сард хийгдэж зам ашиглалтанд бүрэн орно гэж “Билэгт Зам” компанийн Мөнхсахьяа захирал мэдээллээ. Барьж буй замын хучилт стандартын шаардлага хангасан, явахад ая тухтай, ажлын гүйцэтгэл сайн байгаа нь тодхон мэдрэгдлээ.

Тэрээр Баянмөнх, Дархан сумдаар дайран өнгөрөх замын трассыг судаллаа. Газрын хэвлий тэгш, жалга шуудуу багатай боловч суурийн далан барих дайрганы олдоцыг сайтар хянах шаардлагтай нь ажиглагдлаа. Баянмөнх сумын засаг дарга Б.Золжаргал, Дархан сумын засаг дарга Ж.Энхтөр, ИТ дарга Ж. Пүрэвхүү нар орон нутгийн байдлыг танилцуулав.

Мөн Зам тээвэр хөгжлийн сайд Л.Халтар аймгийн засаг дарга Ц.Идэрбат болон холбогдох албаны хүмүүсийн хамт Чингис хотоос Бэрх чиглэлийн хатуу хучилттай замын бүтээн байгуулалтын ажилтай газар дээр нь танилцаад дараа Аймгийн нисэх буудал, зорчигч тээврийн төв, авто зам засвар арчлалтын “Харгуй” компани зэрэг байгууллагуудын ажилтай танилцаж ажлын хэсэг тодорхой асуудлуудыг шийдвэрлэлээ.

Түүнчлэн Чингис хотын нисэх онгоцны буудлын барилгын ажлын явцтай танилцаж тулмагдсан асуудлаа хэлэцлээ. Буудлын барилга угсралт гүйцэтгэх, шороон зурвасны тэгшлэх зэрэг ажил удаашралтай, хуваариас хоцорч байгаа, хугацаатай үүрэг өгч биелэхгүй бол хариуцлага тооцохыг анхаарууллаа

Б.Бат-Эрдэнэ гишүүн тойргийнхоо бүтээн байгуулалтын ажилтай танилцаж байна