Улаанбаатар хот үүсэн байгуулагдсаны 370 жилийн ойн нэгдсэн төлөвлөгөөний дагуу энэ сарын 27-нд нийслэлийн төр захиргааны байгууллагуудын ажилчид явган аялалд гарах гэж байна.

НИТХ, Засаг даргын Тамгын газар, Улаанбаатар хотын Захирагчийн Ажлын Алба, дүүргүүд, нийслэлийн хэрэгжүүлэгч агентлаг, харьяа газруудын албан хаагчдын дунд биеийн тамир, спортын уралдаан тэмцээн зохиож, чөлөөт цаг, амралтыг нь зөв боловсон өнгөрөөх зорилготой юм.

Улаанбаатар хотын Ерөнхий менежерийн нэрэмжит тус аялалыг Захирагчийн Ажлын Алба, нийслэлийн Биеийн тамир, спортын газар, Эрүүл мэндийн газар хамтран зохион байгуулах аж. Энэ долоо хоногийн бямба гаригийн 09,00 цагаас Сүхбаатарын талбайгаас гараагаа эхлэх тус аялал Баянзүрх уулын ар хормой дахь Хар усан тохой хүртэл явган аялах юм. Гранд гольф, хөгжөөнт буухиа зэрэг спортын уралдаан тэмцээн явагдах ба эхний таван байрыг шалгаруулж шагнаж урамшуулах аж. Ингэхдээ аялалын явц, зохион байгуулалт, отгийн ариун цэвэр, байгаль хамгаалал, аялагчдын багийн бэлтгэл, хувцасны жигдрэл зэрэг үзүүлэлтийг харгалзан үзэх юм. Мөн сэтгүүлчид нэг баг болон оролцох боломжтой бөгөөд тэдний дунд хегжилтэй агшин бооцоот тэмцээнийг явуулах юм байна.