УИХ удахгүй хаврын чуулганаа завсарлах гэж байна. Хэлэлцэх хууль олонтой, ачаалал ихтэй байсан. Энэ хаврын чуулганы хугацаанд тэд 35 хууль, тогтоол батлахаас талынх нь ард гараад байна. Энэ удаагийн УИХ хэлэлцэхээр хүлээгдэж буй хуулиудаа хэрэгтэй, хэрэггүйгээр нь ялгаж салган, эрэмблэж дэс дараалалд оруулж “Монгол Улсын хууль, тогтоомжийг 2012 он хүртэл боловсронгуй болгох үндсэн чиглэл” гэдгээр батлуулах гэж байна. Дээрх Үндсэн чиглэлээр эрхэм гишүүд бүрэн эрхийнх нь хугацаанд нийт 157 хууль хэлэлцэх юм.

1.Одоо хэлэлцэхээр хүлээгдэж буй хуулиуд

• Өршөөлийн тухай хууль
• Оюу толгойн ордыг ашиглах Хөрөнгө оруулалтын гэрээг батлах тухай, (үүнтэй холбоотойгоор Татварын ерөнхий хууль, Ашигт малтмалын тухай хуулиудад тус бүр нэмэлт, өөрчлөлт оруулах)
• Эх орны хишиг сангийн тухай буюу стратегийн болон томоохон орд газраас олох орлогоос иргэн бүрт 1,5 сая төгрөг хүртээх эрх зүйн орчин бүрдүүлэх тухай хуулийн төсөл
• Төрийн болон орон нутгийн өмчийг 2009-2012 онд хувьчлах, өөрчлөн байгуулах үндсэн чиглэлийн төсөл
• Гэр бүлийн хуульд нэмэлт, өөрчлөлт оруулах

2. Хэлэлцэж дуусаагүй байгаа хууль,тогтоолууд

• “Монгол Улсын хууль, тогтоомжийг 2012 он хүртэл боловсронгуй болгох үндсэн чиглэл батлах тухай” УИХ-ын тогтоолын төсөл
• УИХ-ын тухай хууль болон Дэгийн тухай хуульд нэмэлт, өөрчлөлт оруулах
• Иргэдээс төрийн байгууллага, албан тушалтанд гаргасан өргөдөл, гомдлыг шийдвэрлэх тухай хуульд нэмэлт, өөрчлөлт оруулах тухай хуулийн төсөл
• Улсын бүртгэлийн ерөнхий хуулийн төсөл
• Өрсөлдөөний тухай хуулийн төсөл

3.Удахгүй хэлэлцэхээр хүлээгдэж буй хуулиуд

• Үндэсний технологийн парк байгуулах тухай хуулийн төсөл
• -Хадгаламж зээлийн хоршооны тухай хуульд нэмэлт, өөрчлөлт оруулах, энэ хуулийг дагаж мөрдөх журмын тухай, Санхүүгийн зохицуулах хорооны эрх зүйн байдлын тухай хуульд нэмэлт, өөрчлөлт оруулах тухай
• -Биржийн тухай хууль
• -Бичил уурхайгаас ашигт малтмал олборлох тухай хуулийн төсөл
• -Мэдээлэл авах эрх, эрх чөлөөний тухай хуулийн төсөл
• -Хот, тосгоны эрх зүйн байдлын тухай хуулийн төсөл
• -Эртний нийслэл Хархорумыг жишиг хот болгон хөгжүүлэх хөтөлбөр батлахтухай тогтоолын төсөл
• -“Төрийн албаны гавъяат ажилтан цол” бий болгох тухай