Ажлын хэсэг хуралдав
2021.09.23

Ажлын хэсэг хуралдав

Нийгмийн даатгалын багц хуулиудын шинэчлэл ХНХЯ болон УИХ-ын гишүүдээс боловсруулж УИХ-аар батлуулах гэж байгаатай холбогдуулан МҮЭ-ийн холбооны гишүүн байгууллагууд, ҮЭ-ийн гишүүдээс өргөнөөр санал авч ҮЭ-ийн байр суурь, саналыг тусгуулах чиглэлээр ажиллах ажлын хэсгийн хурал өнөөдөр боллоо.

Нийгмийн даатгалын хуульд олон жил шийдэл хүлээсэн шинэчилж, өөрчлөх шаардлагатай олон асуудал бий. МҮЭ-ийн холбоо уг хуулийн асуудалд нийгмийн түншлэгч байгууллагын хувьд тодорхой байр суурьтай оролцоно.

Ялангуяа МҮЭ-ийн холбоонд ирж буй санал шаардлагууд дунд тэтгэврийг өвлүүлэх, үр өгөөжийг сайжруулах, тэтгэвэр тогтоох аргачлал итгэлцүүр, сангуудын засаглалыг сайжруулах зэрэг нийтлэг саналыг даатгуулагчдад аль болох өгөөжтэй болгох зарчмын саналтай байна.

Уг хуулийн төслийг бүх гишүүн байгууллагууд болон олон нийтээр хэлэлцүүлж нэгдсэн саналыг МҮЭ-ийн холбооны тэргүүлэгчдийн хурлаар хэлэлцэж, саналаа Засгийн газар, УИХ-д хүргүүлнэ. Иймд гишүүн байгууллага, идэвхтэн сонгуультнууд, эрдэмтэн судлаачид болон даатгал төлөгч иргэн бүр идэвхтэй оролцох шаардлагатай хэмээн Ажлын хэсгийн ахлагч, МҮЭ-ийн холбооны дэд ерөнхийлөгч С.Эрдэнэбат хэллээ.