2008 оны 7 дугаар сарын 01-ний өдөр онц байдал тогтооход үед нийгмийн дэг журам сахиулах чиг үүрэг бүхий байгууллагууд хэрхэн ажилласан, тэдний үйл ажиллагаанд үнэлэлт, дүгнэлт өгөх үүрэг бүхий ажлын хэсэг УИХ-аас байгуулагдлаа.

Ажлын хэсгийн ахлагчаар Улсын Их Хурлын гишүүн, Төрийн байгуулалтын байнгын хорооны дарга Ө.Энхтүвшин, ажлын хэсгийн бүрэлдэхүүнд УИХ-ын гишүүн Х.Жекей, П.Алтангэрэл, Я.Батсуурь, Р.Гончигдорж, Д.Одбаяр, Д.Энхбат нар болон УИХ-ын ТГ, Хүний эрхийн комисс, мөн Монголын өмгөөлөгчдийн холбооны албаны хүмүүс багтажээ.

Энэхүү ажлын хэсэг 7 сарын 1-ны үйл явдалтай холбогдуулан онц байдал тогтоосон тэр үед цагдаа хүчний байгууллагынхан хуулийн дагуу ажилласан эсэх, галт зэвсэг, байлдааны зэвсэг, химийн хорт бодис, тэсрэх дэлбэрэх бодис хэрэглэсэн эсэхийг шалган, тогтоох юм.  Мөн үүнээс гадна цагдаа, хүчнийхэн онц байдлын үед эрх мэдлээ хэтрүүлсэн, албан үүргээ зохих ёсоор нь биелүүлээгүй зөрчил гарсан эсэх зэрэг асуудлыг судлан, шинэжилэн дүгнэлт гаргах ажээ.

Ажлын хэсэг Монгол Улсын зэвсэгт хүчний Жанжин штаб, Хил хамгаалах ерөнхий газар, Цагдаагийн ерөнхий газар, Шүүхийн шийдвэр гүйцэтгэх ерөнхий газар, Онцгой байдлын ерөнхий газар, Тагнуулын ерөнхий газар зэрэг байгууллагууд шалгалт шинжилгээ хийх юм.

Ирэх 10-р сарын 15-ны дотор энэ ажлын хэсэг УИХ-д ажиллагаа тайлагнах юм байна.