"Залуучуудын Хөдөлмөрлөх Эрх ба Хөдөлмөрийн тухай хуулийн шинэчлэл" дахин чадавхижуулах нэг өдрийн сургалт амжилттай зохион байгуулагдлаа

Хөдөлмөрийн тухай хуулийн /шинэчилсэн найруулга/-тай холбогдуулан Decent work for YOUTH Залуучуудын зохистой хөдөлмөрийн сүлжээний чиглүүлэгч багш нарыг залуучуудын хөдөлмөрлөх эрхийн хэрэгжилтийн нөхцөл байдал, хөдөлмөрийн тухай хуулийг практикт хэрэглэх арга зүйгээр дахин чадавхижуулах 1 өдрийн сургалт 2021 оны 10 сарын 29-нд амжилттай зохион байгуулагдлаа.

Уг сургалтыг Олон улсын хөдөлмөрийн байгууллага (ОУХБ) болон Европын Холбооны (ЕХ) санхүүжилттэй ОУХБ-ын төслийн дэмжлэгтэйгээр МҮЭХ-ны Залуучуудын хороо, Монголын Хөнгөн үйлдвэрийн ажилтны ҮЭ-үүдийн холбоо “Залуучуудын зохистой хөдөлмөрийн үндэсний сүлжээ” -рээ амжилттай зохион байгуулж залуучуудын чиглүүлэгч багш нарыг дахин чадавхижуулан сургалаа.

Сургалтын үйл ажиллагааг нээж:

- Монголын хөнгөн үйлдвэрийн ажилтны ҮЭ-үүдийн холбооны дарга Э.Тамир

- МҮЭХ-ны Ерөнхийлөгч Х. Амгаланбаатар

- ОУХБ-ын төслийн зохицуулагч А.Лхагвадэмбэрэл

- YOUTHinc, Монгол Залуу Мэргэжилтнүүдийн Нийгэмлэгийн захирал, Залуучуудын зохистой хөдөлмөрийн сүлжээний зохицуулагч Ч. Балжинням нар үг хэлж;

Сургалтын хичээлүүдийг:

- ХНХЯ-ны Ахлах шинжээч Ш.Мааяа,

- ХЭҮК-ын Боловсрол, судалгааны хэлтсийн даргын үүрэг гүйцэтгэгч З.Өнөржаргал,

- МҮЭ-ийн холбооны хуульч Д.Саранцацаралт болон сургалтын баг удирдан явуулж, Улаанбаатар болон орон нутгаас төлөөллүүд оролцлоо.