Монгол Улсад орчин цагийн боловсролын байгууллага үүсэж хөгжсөний 100 жилийн ойн ажлын хүрээнд Сонгинохайрхан дүүргийн сургуулийн өмнөх боловсролын байгууллагуудын 2021 оны ажлыг дүгнэн урамшуулах үйл ажиллагаа өнөөдөр /2021.12.28/ боллоо.

Энэ үеэр сургуулийн өмнөх насны хүүхдийн хоолны эрүүл аюулгүй байдал, чанар стандартыг баримтлан ажиллан шалгарсан “Эко цэцэрлэг”-ээр 117 дугаар цэцэрлэг, олон улсын болон дотоодын төсөл хөтөлбөрийн хөрөнгө оруулалттай ажлуудыг амжилттай хэрэгжүүлсэн “Шилдэг төсөл хэрэгжүүлэгч цэцэрлэг”-ээр 81 дүгээр цэцэрлэг, сургуулийн өмнөх насны хүүхдэд хүүхдийн эрх, хамгаалал, хөгжлийн сургалт үйл ажиллагааг эрүүл аюулгүй орчинд амжилттай хэрэгжүүлэн, “Хүүхдийн эрхийг дээдлэгч бүс”-ээр 79 дүгээр цэцэрлэгийн эрхлэгч Т.Ундармаа ахлагчтай “Боловсрол хөгжил” бүс тэргүүн байрт шалгарч, тус бүр нэг сая төгрөгөөр шагнууллаа.

Мөн “Сovid-19” халдварын тархалтын нөхцөл байдал идэвхтэй үед цахим орчинд хүүхэдтэй ажиллах арга барил, туршлагаа бусдад түгээн дэлгэрүүлэн ажилласан багш ажилтнуудыг Дүүргийн Засаг даргын “Хүндэт өргөмжлөл”, мөнгөн шагналаар шагнаж, урамшуулсан юм.