2009 оныг Засгийн газраас “үйлдвэрлэлтийг дэмжих жил” болгон зарласан билээ. Үүнтэй холбогдуулан 30 тэрбум төгрөгийн хөнгөлөлттэй зээлийг үйлдвэр эрхлэгчдэд олгохоор төлөвлөөд байгаа юм.

9 сарын 10-ны байдлаар энэ мөнгөний 16.4 тэрбум төгрөгийг 892 төсөлд олгоод байгаа ажээ. Дээрхи зээлээр улсын хэмжээнд сүү, сүүн бүтээгдэхүүн, мах махан бүтээгдэхүүн, талх, нарийн боов, гурилын зэрэг томоохон 20 үйлдвэр шинээр ажиллаж байна. Он дуусахаас өмнө 20 гаруй үйлдвэр нэмэгдэн ашиглалтад орохоор төлөвлөгөөтэй байна.