"Тандалт" ажиллагаа өндөрлөж, АН, МАХН энэ сарын 25-нд нэр дэвшигчээ тодруулах хурлаа хийхээр товложээ. Учир нь энэ хоёр нам хурлаа товлохдоо нэгнийгээ харзнаж байсан юм. Тэгвэл тэд ийнхүү нэг өдөр, Төрийн ордонд хуралдахаар болсон байна.
МАХН-ын үүрүүд, Нийслэлийн хороо нь хуралдчихсан. Нийслэлийн МАХН-ын хорооны хурлаас Н.Энхбаяр, нийслэлийн Засаг даргын орлогч Ц.Цогзолмаа, Эрдэс баялаг, эрчим хүчний сайд Д.Зоригт нарын нэрийг Удирдах зөвлөлдөө санал болгосон. Тэдний дундаас МАХН-аас нөхөн сонгуульд өрсөлдөх эрхэм тодорно.

АН-ын тухайд Д.Эрдэнэбат, Б.Батбаатар, Р.Бурмаа, Да.Ганболд нарыг нэрлэчихээд буй. Удахгүй болох дүүргийн намын хорооны хурлаас тэдний нэр шүүгдэх юм. Гэвч эцсийн шийдвэрийг ҮЗХ нь гаргах учиртай.