УИХ-ын гишүүн Л. Гантөмөр Сүхбаатар дүүргийнхээ ам бүл олон, амжиргааны түвшин доогуур, хүнд нөхцөлд амьдарч байсан 70 өрхөд эсгий туурга бүхий иж бүрэн 5 ханатай гэр олгож тойргийнхоо сонгогчдыг баярлуулаа. Тэдгээр айлууд нь тус дүүргийнхээ холбогдох байгуулагуудад 2004 оноос хойш хүсэлт тавьж байсан аж.

Тэд өнөөдөр болсон дүүргийнхээ нээлттэй өдөрлөг дээр өргөө цагаан гэрээ хүлээн авсаны зэрэгцээ тойргийн иргэдийн нийгмийн халамжийг анхаарч ажиллаж байгаад гишүүн Л. Гантөмөрт баярласан сэтгэлээ илэрхийлэн цаашдын ажилд нь амжилт хүслээ.

Мөн УИХ-ын гишүүн Л. Гантөмөр иргэдэд хүрэх эмнэлэгийн түргэн тусламжийг шуурхай болгох үүднээс тус дүүргийн 16-р хорооны “Мандал” өрхийн эмнэлэгт жижиг суудлын авто машиныг бэлэглэсэн байна.