Улсын Их Хурлын сонгуулийн 24 дүгээр тойргийн нөхөн сонгуулийн санал хураалт 2009 оны 10 дугаар сарын 18-ны өдөр явагдах болсонтой холбогдуулан Улсын бүртгэлийн ерөнхий газраас Улсын Их Хурлын сонгуулийн тухай хуулийн 20 дугаар зүйлийн 20.1 дэх хэсэгт заасны дагуу нийслэлийн Чингэлтэй дүүргийн сонгогчдын нэрийн жагсаалтыг Сонгуулийн ерөнхий хороонд ирүүлээд байна.
Уг жагсаалтад сонгуулийн насны 98747 иргэн бүртгэгдснээс үндсэн хаяг дээрээ байгаа 78583, гадаад улсад сурч, амьдарч байгаа 4592, өөр аймаг хотод суралцаж байгаа 140, түр эзгүй 9377, түр оршин суугч 3638, засаг захиргаа завсардсан 2417 сонгогч байна.
Энэхүү сонгогчдын нэрийн жагсаалтыг Улсын Их Хурлын сонгуулийн тухай хуулийн 20 дугаар зүйлийн 20.2 дахь хэсэгт заасны дагуу Сонгуулийн ерөнхий хорооны цахим хуудсанд байрлуулснаар нийслэлийн Чингэлтэй дүүргийн сонгогчид тус цахим хуудасны сонгогч нэвтрэх хэсэгт өөрийн нэр, регистрийн дугаарыг оруулан өөрийгөө сонгогчдын нэрийн жагсаалтад бүртгэгдсэн эсэхийг шалган танилцах боломжтой юм.